Connect with Us

Kosovë, FSK do të shndërrohet në ushtri pa ndryshuar Kushtetutën

Kosova & Rajoni

Kosovë, FSK do të shndërrohet në ushtri pa ndryshuar Kushtetutën

Publikuar

-

Qeveria e Kosovës ka zgjedhur një rrugë të re për transformimin e Forcës së Sigurisë së Kosovës në ushtri.

Meqenëse “Lista Serbe” nuk po pranon, që ushtria e Kosovës të krijohet përmes ndryshimeve kushtetuese, ku janë të nevojshme edhe votat e minoriteteve, kryeministri Isa Mustafa ka kërkuar nga ministrat dhe ekspertët e fushës së sigurisë, të gjejnë modalitete të tjera që mundësojnë krijimin e ushtrisë.

Top Channel ka mësuar nga burime brenda qeverisë se, tashmë është hartuar plani i ri, përmes të cilit synohet që Forca e Sigurisë së Kosovës të transformohet në ushtri, duke shmangur ndryshimet kushtetuese.

Një zyrtar i lartë qeveritar, që është marrë me përgatitjet për ndryshimet ligjore, ka treguar se transformimi do të bëhet duke ndryshuar vetëm ligjin për Forcën e Sigurisë së Kosovës, ku do të shkrihet e gjithë përmbajtja e projektligjit për Forcat e Armatosura të Kosovës.

Ndryshimi i statusit të Forcës së Sigurisë do të bëhet në përputhje me nenin 126 të Kushtetutës, ku thuhet se organizimi i brendshëm i Forcës së Sigurisë të Kosovës rregullohet me ligj.

Në ligjin e ri që po përgatitet, FSK-ja do të marrë misionin e ushtrisë me të gjitha kompetencat ushtarake, siç ishte parashikuar në ligjin për Forcat e Armatosura të Kosovës.

LEXO EDHE:  Kryeministrja e Serbisë paralajmëron Kosovën/ Shpresoj mos të përdorim ushtrinë

Sipas burimit të Top Channel, e vetmja gjë që nuk do të ndryshojë aktualisht është emri, i cili do të mbetet i njëjtë, pasi ashtu është parashikuar me Kushtetutë.

Përgatitjet për krijimin e ushtrisë së re i ka konfirmuar për Top Channel edhe zëdhënësi i qeverisë, Arban Abrashi.

“Koalicioni qeverisës është duke punuar për transformimin e FSK-së në një ushtri të Kosovës, e cila do t’u shërbejë të gjithë qytetarëve të Kosovës, pa ndasi. Jemi duke punuar në modalitete teknike të realizimit të kësaj dhe besoj se, në kohë rekord do të dalim edhe me propozime konkrete sesi do të arrijmë deri te kjo”, tha Arban Abrashi, zëdhënës i qeverisë së Kosovës.

Abrashi tha se, për modalitetet e reja mbi transformimin e FSK-së janë konsultuar edhe ekspertë të NATO-s, por edhe përfaqësues të minoriteteve në Kosovë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Shpërndahet Kuvendi/ Maqedonia e Veriut shkon në zgjedhje të parakohshme

Publikuar

-

Nga

Sot u shpërnda Kuvendi i Maqedonisë dhe vendi do të shkojë në zgjedhje të parakohshme parlamentare që do të zhvillohen më 12 prill.

Sipas “INA”, për shpërndarjen e parlamentit pro votuan 108 deputetë, asnjë kundër dhe asnjë abstenim.
Me këtë vendim, Maqedonia e Veriut edhe zyrtarisht shkon në zgjedhje të reja parlamentare të parakohshme që do të jenë më 12 prill.

Zgjedhjet do të organizohen nga Qeveria teknike me mandat 100 ditësh. Përbërja e deritanishme parlamentare e përbërë nga 120 deputetë, ishte e dominuar nga LSDM, VMRO-DPMNE, por edhe nga partitë shqiptare BDI, ASH, Lëvizja BESA, Alternativa, PDSH, etj.

LEXO TE PLOTE

Kosova & Rajoni

Dy marrëveshjet me Serbinë në Mynih/ Kurti: Kam rezervat e mia, nuk isha negociator

Publikuar

-

Nga

Kryeministri i Kosovës, Albin Kurti, i cili po merr pjesë në Konferencën e Sigurisë në Mynih, tha se ka rezerva sa i përket nënshkrimit të dy letrave të shprehjes së interesit, ndërmjet Kosovës dhe Serbisë, për autostrada dhe hekurudha.

Marrëveshja për autostrada dhe hekurudha u nënshkrua në Mynih më 14 shkurt dhe u ndërmjetësua nga i dërguari i Shtëpisë së Bardhë për dialogun Kosovë-Serbi, ambasadori Richard Grenell.

Kurti thotë se për këto marrëveshje ka rezerva, pasi që nuk ka qenë pjesëmarrës në negociata.

“Unë vetëm po tregoj rezerva, për shkak se nuk kam qenë pjesëmarrës në negociata për këto letra të interesit. Natyrisht se ne na duhet lidhje, infrastrukturë më e mirë, autostrada dhe hekurudha. Por, sërish, punëtorët civilë që nënshkruan këto marrëveshje nisën negociatat gjatë qeverisë së kaluar dhe faktikisht i përmbyllën ato pa pjesëmarrjen tonë dhe ne jemi në qeveri për më pas se dy javë”, tha Kurti në një prononcim për REL.

Për palën kosovare, marrëveshjet për autostradën dhe hekurudhat i kanë nënshkruar Xhemë Veseli, drejtor i Transportit Rrugor dhe Ramë Qupeva, drejtor i Infrastrukturës Rrugore. Kurse nga pala serbe, të dy marrëveshjet i ka nënshkruar drejtori i të ashtuquajturës Zyrë për Kosovën në Qeverinë e Serbisë, Marko Gjuriq. Të pranishëm në ceremoninë e nënshkrimit, përveç ambasadorit Grenell, ishte presidenti i Kosovës, Hashim Thaçi dhe ai i Serbisë, Aleksandar Vuçiq.

Përmes letrave të shprehjes së interesit për autostrada dhe hekurudha, të dy vendet shprehën gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

LEXO EDHE:  Krijimi i ushtrisë/ Serbia po përgatit trazira në Kosovë

LEXO EDHE:  Krijimi i ushtrisë/ Serbia po përgatit trazira në Kosovë

I pyetur se nëse kritikat e shprehura nga ai lidhur me marrëveshjet për autostrada dhe hekurudha kanë bërë që ambasadori Grenell të mos e takojë atë në Mynih, kryeministri Kurti thotë se komunikimi me amerikanët është i mirë dhe se gjatë qëndrimit në Mynih nuk ka qenë në plan që të takohet me të dërguarin e Shtëpisë së Bardhë.

“Më herët jam takuar me ambasadorin (Richard) Grenell dy herë, por jo kësaj here. Këtë herë kam qenë duke marrë pjesë në panel, në tryezë të rrumbullakët dhe ne nuk kemi pasur plane që të takohemi”.

“Po, për vete mund të konfirmoj për komunikimin tonë dhe gjithçka duket në rregull”, shtoi kryeministri Kurti.
Ambasadori Grenell më herët ka ndërmjetësuar po ashtu edhe marrëveshjen për hapjen e linjës ajrore Prishtinë-Beograd.

Kurti ishte takuar me ambasadorin Grenell dy herë, gjatë vizitave të këtij të fundit në Kosovës. Këto takime kanë ndodhur para se Kurti të merrte postin e kryeministrit.
Së fundmi, ambasadori Grenell ka kërkuar nga qeveria e udhëhequr nga Albin Kurti që të heqë taksën 100 për qind ndaj produkteve që vijnë nga Serbia, pasi kjo masë shihet si pengesa kryesore për rinisjen e dialogut me Serbinë.
Kurti është zotuar se taksën do ta zëvendësojë me reciprocitet, por Grenell ka kërkuar që taksa të hiqet pa u vendosur reciprociteti./REL

LEXO TE PLOTE

Kosova & Rajoni

Thaçi mesazh të fortë/ “Nëse nuk ruhet partneriteti me SHBA dhe BE, rrezikohet liberalizimi i vizave”

Publikuar

-

Nga

Presidenti i Kosovës Hashim Thaçi ka dhënë një mesazh shumë të fortë përsa i përket liberalizimit të vizave.

Teksa ka folur rreth diskutimeve në konferencën e Sigurisë në Munih, Thaçi deklaroi se e vetmja mënyrë që vendi të ketë një të ardhme të ndritur euro-atlantike është koordinimi i plotë me partnerët, SHBA dhe BE.

“Të gjitha mesazhet që i dëgjuam prej të gjithë liderëve botërorë që ishin prezent në Munih në raport me Kosovën është që të ruhet ky partneritet i Kosovës me BE-në, me NATO-n, e në veçanti me SHBA-të. Ky partneritet ruhet dhe kultivohet vetëm duke u sjell në mënyrë të përgjegjshme si institucione të vendit, të ndërtojmë demokracinë qytetare, të thellojmë reformat dhe të sillemi në mënyrë korrekte dhe të përgjegjshme edhe me të gjithë fqinjët, prandaj jam jashtëzakonisht i inkurajuar nga ajo që dëgjuam për Kosovën këtu në takimet që kam zhvilluar”, tha Kreu i Shtetit në televizionin publik të Kosovës.

Sipas tij, nëse nuk ruhen marrëdhëniet me partnerët ndërkombëtarë, rrezikohet liberalizmi i vizave.

LEXO EDHE:  Bullgaria dërgon automjete të blinduara në kufirin me Maqedoninë

LEXO EDHE:  "Ushtri" foshnjesh/Infermieret ngelin shtatzënë njëra pas tjetrës

“Rrugëtimi i Kosovës duhet të jetë koordinimi me partnerët tanë me SHBA dhe BE që të ndodh liberalizmi i vizave dhe në asnjë rrethanë të mos humbet mundësia për anëtarësim në Interpol apo në UNESCO. Pa koordinim me Washingtonin dhe Brukselin Kosova rrezikon seriozisht procesin e liberalizimit të vizave, anëtarësimin në UNESCO dhe në Interpol”, nënvizoi Thaçi./ CNA.al

LEXO TE PLOTE