LEXO PA REKLAMA!

SHKARKO APP

Dokumenti dhe faktet që fundosin Saimir Tahirin

12 Shtator 2015, 07:27, Aktualitet CNA

Teksa çështja e dekriminalizimit të shtetit shqiptar, falë presionit të madh të Perëndimit, pritet të dominojë këtë sesion të ri parlamentar, ngrihen të tjera dyshime dhe pikëpyetje rreth ekspozimit të fortë të ministrit të Brendshëm, Saimir Tahiri, ndaj botës së krimit. Roli i paqartë dhe kompromentues i ministrit të Brendshëm në linjat e trafikut të drogës me avion, skaf dhe mjete të tjera, nuk është më tashmë një çështje kombëtare, por një problem rajonal, madje ndërkombëtar.   Akuzat e ish-shefit të antidrogës Dritan Zagani, ndër më të rënda në histori, në adresë të ministrit të Brendshëm, Saimir Tahiri, kanë bërë jehonë edhe në gazetën me të madhe italiane ?Corriere Della Sera?. Zagani ka deklaruar se makina e ministrit të Brendshëm është përdorur nga trafikantët e drogës, ndërsa me skafin e ministrit është transportuar drogë drejt Italisë.

dokumentiNë seancën e parafundit plenare, ministri Tahiri ngriti një alibi të fortë sa i takon akuzës për përdorimin e makinës së tij Audi A8 me targë AA003GB nga trafikantët. Ministri e pranoi se makina e tij mund të jetë përdorur nga njerëz të ndryshëm, por ai tha se makinën e kishte shitur. Po si qëndron e vërteta? Kur e ka shitur makinën e ministri i Brendshëm? A ka qenë shitje fiktive? Në një kohë kur ministri thotë se e ka shitur makinën në vitin 2013, pse në vitin 2014, makina rezulton në emër të tij, sipas shefit të antidrogës? A ka qenë në dijeni ministri se emri i tij është përdorur nga trafikantët për të çarë gardhet policore? Alibia e ministrit duket se ka zgjatur vetëm pak ditë. Në deklaratën e tij të pasurisë, dorëzuar pranë Inspektoriatit të Deklamimit dhe Kontrollit të Pasurive, ministri i Brendshëm, Saimir Tahiri, deklaron se makinën Audi A8 e ka shitur në muajin nëntor të vitit 2013, për një defekt mekanik. ?Shitje e makinës Audi A8, viti 2008 (në muajin nëntor 2013 pas një defekti mekanik) me vlerë 1 milion lekë?, thotë ministri në deklaratën e pasurisë.

Bie alibia e Tahirit 

Ministri i Brendshëm thotë se e ka shitur makinën e tij në nëntor të vitit 2013, për shkak të një defekti mekanik, për 10 milionë lekë. Këtë deklaratë Tahiri e bëri për të hedhur poshtë akuzën se trafikantët kanë përdorur makinën e tij. Por, nga dokumentet dhe të dhënat rezulton se makina e ministrit Tahiri është përdorur nga njerëz të ndryshëm dy muaj para shitjes fiktive. Vetura është përdorur që në muajin shtator të 2013, pra dy muaj para se ministri deklaron shitjen. Kështu rezulton se makina e ministrit me targë AA003GB, më datën 5.9.2013 është përdorur nga Emiljano Pirro Habilaj, më datën 18.1 është përdorur nga Moisi Ciko Habilaj, më datën 28.7.2014 është përdorur nga Artan Ciko Habilaj, më datën 12.6.2014 nga Zenebe Brahim Habilaj, më datën 30.10.2014 nga Saimir Bashkim Tahiri, më datën 1.5.2014 nga Fatlinda Urhan Tahiri, më datën 29.1.2014 nga Bashkim Lutfi Tahiri. Të gjitha lëvizjet janë bërë jashtë shtetit. Nuk dihet nëse kryeprokurori Llalla do t?i ketë parasysh këto fakte.

Dyshimet 

Ka dyshime të forta se ministrit i Brendshëm nuk e ka shitur fare Audin A8. Shitja mund të jetë fiktive, pasi personat që e kanë përdorur makinën, kanë pasur interes që vetura të rezultojë në emër të ministrit, pasi në këtë mënyrë mund të thyenin lehtësisht çdo kontroll policor. Megjithëse të vërtetën mund ta sqarojë vetëm prokurori. Shefi i antidrogës Dritan Zagani, në dëshminë e tij, pretendon se ministrit i Brendshëm nuk e ka shitur makinën. Ai thotë se në prill të vitit 2014, makina ka qenë në emër të ministrit të Brendshëm. ?Në muajin prill të vitit 2014, para se të më arrestonin. Mjetin e ministrit tim e përdornin këta shtetas trafikant në Vlorë, deri atëherë se dija për këtë makinë, por kur pashë A. D që u fut në makinë doja të verifikoja kush ishte ky mjet me kë u fut. Kur më doli emri i ministrit u shtanga. Në moment pa e hequr nga sistemi thërrita shefin e sektorit z. Skënder dhe i tregoj shiko çfarë ka e kam verifikuar dhe në këtë makinë hyri subjekti. Ai më tha se këtë makinë e mbajnë ata kushërinjtë e ministrit në Vlorë. Dhe më përmendi vëllezërit H. Madje këtë makinë më tha se para 10 ditëve i njëjti mjet ishte ndaluar në aksin Gjirokastër Levan për kontroll dhe ata nuk kanë ndaluar, nuk kanë pranuar të kontrollohen?, ka deklaruar Zagani.

07:19 Aktualitet

Shtypi i ditës

  – See more at: http://www.sot.com.al/politike/shtypi-i-dit...

Lajmet e fundit nga