Connect with Us

Te akuzuarit e Kumanoves refuzojne marrjen ne pyetje pa u njohur me provat

Kosova & Rajoni

Te akuzuarit e Kumanoves refuzojne marrjen ne pyetje pa u njohur me provat

Publikuar

-

Procesi dëgjimor për të arrestuarit nga aksioni policor në Kumanovë u bllokua që në fillim për shkak se të dyshuarit nuk pranuan të japin deklaratë pa u njohur më parë me provat e Prokurorisë.

Sipas palës mbrojtëse, më këtë akt të prokurorisë, shkelet ligji dhe neni 206 i saj i cili thekson qartë se fillimisht duhet të prezantohen provat e më pas të jepen deklaratat e të dyshuarve. Avokati Naser Raufi i cili përfaqëson 9 të akuzuar në rastin e Kumanovës, kryesisht shtetas kosovarë, ka reaguar tek të gjitha institucionet kompetente dhe ndërkombëtare. Për këtë sot është informuar edhe OSBE-ja.

“Të gjithë të arrestuarit insistonin që t’ju prezantohen provat e mandej të japin deklaratë por prokuroria nuk e lejoi këtë që ligji ia garanton çdo të akuzuari… Absolutisht është bllokuar me këtë shkelje e ligjit, shkelje flagrante të ligjit. Neve nuk na mundësohet d.m.th. të akuzuarve nuk u mundësohet mbrojtja, një e drejtë elementare. Ne do të reagojmë te krejt institucionet kompetente që të arrijmë t’i shohim provat dhe të japin të akuzuarit deklaratën e vet”, deklaroi Naser Raufi, avokat mbrojtës.

Avokati mbrojtës pret që pas këtij reagimi, Prokuroria të korrigjojë gabimin gjatë marrjes në pyetje të të akuzuarve të tjerë që janë në burgun e Prilepit dhe Manastirit, javën e ardhshme. E gjithë kjo, siç shton më tej Raufi, vë në dyshim gjithë procesin gjyqësor për rastin në fjalë, duke mos e përjashtuar mundësinë e montimit të tij.

LEXO EDHE:  Doda interpelance me ministrin Bushati per Kumanoven

“Vet kjo që nuk jepen provat, e vë në dyshim krejt këtë rast, d.m.th. një gjë elementare që është shumë e qartë dhe e thjeshtë, çdo provë që e realizon prokuroria, bile një nga një duhet menjëherë t’i prezantohen të akuzuarit, të dyshuarit dhe avokatit… Kjo që nuk u prezantuan dhe nuk na u dhanë provat, nuk na mundësohet edhe mbrojtja praktikisht do të thotë se hedh dyshim të madh për këtë rast fillimisht. Sipas meje bile jam i sigurt që prej fillimit ky rast fillon të montohet”, tha Naser Raufi, avokat mbrojtës.

Naser Raufi përfaqëson 9 klientë mbi rastin e Kumanovës, në mes të të cilëve Muhamet Krasniqi i njohur si komandat Malisheva, Dem Shehu i njohur si komandant Juniku, Shefket Hallaçi, Esat Kafexholi, Lirim Krasniqi, Bajram Elshani, Fadil Elshani, Hajrush Avdija dhe Qenan Iseni.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Kadri Veseli niset për në Hagë/ Jam krenar që i shërbeva UÇK-së

Publikuar

-

Nga

Kreu i PDK-së, Kadri Veseli është nisur drejt Hagës ku do të merret në pyetje nga hetuesit e Gjykatës Speciale.

Veseli u shpreh se Gjykata Speciale është sfidë përballë krimeve makabre serbe.

“Tani jam duke udhëtuar për në Hagë me ftesë të dhomave të Specializuara, jam i ftuar për intervistim, gjykata Speciale është sfidë përballë krimeve makabre serbe, por të njejtën kohë është sfidë përballë krimeve makabre serbe po edhe një moment ndërkombëtar për të rikonfirmuar pastërtinë e luftës së popullit tonë të UCK-së, çdo luftëtar i lirisë është krenar që ka pas fatin t’i shërbejë atdheut të vetë, edhe unë, jam shumë krenarë e falënderoj zotin për këtë dhe dua ta them se me asnjë gjë nuk e ndrroj asnjë pjesë të jetës time krenare, historia e UCK është histori për liri dhe pavarësi”, tha Veseli.

LEXO TE PLOTE

Kosova & Rajoni

Albin Kurti tha se nuk bashkëpunon me Vuçiç/ Reagon ministri i Jashtëm serb

Publikuar

-

Nga

Pas deklaratës së kreut të Lëvizjes Vetëvendosje Albin Kurtit, se nuk ulet në tryezë për bisedime me presidentin e Serbisë Aleksandër Vuçiç, ka ardhur edhe reagimi i ministrit të Punëve të Jashtme të Serbisë Ivica Daçiç.
Daçiç heq përgjegjësinë nga Serbia, teksa pretendon se Kosova nuk është e interesuar për vazhdimin e dialogut dhe për arritjen e një kompromisi.
“Nëse ata (Kosova), vazhdojnë kështu, ne nuk jemi optimistë kur bëhet fjalë për vazhdimin e dialogut midis Beogradit dhe Prishtinës”, deklaroi Daçiq para fillimit të seancës së Bordit Kryesor të Partisë së tij.
“RTS.rs” raporton se ministri serb e cilësoi si “çmenduri politike” qëndrimin e Kosovës, teksa e fajësoi këtë të fundit si faktorin më të madh të paqëndrueshmërisë.
“Ky është një tregues se ata nuk kujdesen për dialogun dhe kompromisin. Problemi i vetëm është se ata nuk e kuptojnë se situata ka ndryshuar shumë”, theksoi Daçiç.
Sipas zyrtarit serb, qëllimi i qeverisë aktuale në vendin e tij është ruajtja e paqes dhe stabilitetit në Kosovë./ CNA.al

LEXO TE PLOTE

Kosova & Rajoni

Albin Kurti paralajmëron/ Nëse s’merremi vesh me LDK-në, vendi shkon në zgjedhje të reja

Publikuar

-

Nga

Kryetari i Lëvizjes Vetëvendosje, Albin Kurti, deklaroi sot se vendi do të shkojë në zgjedhje të parakohshme, nëse  nuk arrihet një koalicion me Lidhjen Demokratike të Kosovës.

“Jam i udhëhequr nga interesi i përgjithshëm, nga interesi shtetëror që kërkon sa më parë një udhëheqje qeverisëse nga VV dhe LDK”, u shpreh Kurti në RTK.

Kreu i VV-së tha se partinë e tij nuk e trembin zgjedhjet e reja, pasi pretendon se pas zgjedhjeve të 6 tetorit është rritur përkrahja nga qytetarët.

LEXO EDHE:  Albright: Kumanova, incident tepër shqetësues, të shihen lidhjet në rajon

LEXO EDHE:  Grupi i Kumanovës në duart e Prokurores Speciale

Gjithashtu Kurti tregoi se në takimet me liderët e LDK-së nuk është përmendur ndonjë emër i përveçëm për president, por theksoi se duhet diskutuar për strategjinë e zgjedhjes së një presidenti të parakohshëm, vetëm pasi të plotësohen pozitat e kryeministrit, kryeparlamentarit dhe 12 ministrave./ CNA.al

LEXO TE PLOTE