Connect with Us

Refuzojeni kete ligj! Nga Jozefina TOPALLI

Kryesore

Refuzojeni kete ligj! Nga Jozefina TOPALLI

Publikuar

-

Sot kam vendosur te degjoj porosine publike te profesor Artan Fuges, qe na sugjeroi te mos bejme ekspertin e arsimit, por politikanin.

Ne duhet te bejme politikanin, sepse ne ligj antikushtetueshmeria eshte uleritese.

Nese je I varfer, nuk e ben dot shkollen e larte.
Njesoj si ne diktature.
Nese kishe biografi te keqe, shkolla ishte vetem enderr. Ky ligj denon ata qe nuk jane te pasur, sepse tarifa vjetore vetem per rregjistrim llogaritet 1 mije euro.

1) Ky ligj eshte segregacioni ne kohe moderne ne nje vend qe pretendon te hape negociatat me Bashkimin europian. Ne nuk duhet ta lejojme! Ne duhet t’u japim te pasurve dhe te varferve te njejten mundesi per arsimim!

2) Kete ne e kemi detyrim kushtetues dhe per kete ne kemi bere betimin. Neni 18 i Kushtetutes thote se te gjithe jane te barabarte para ligjit dhe askush nuk mund te diskriminohet per shkak te gjendjes ekonomike.

Prandaj ky ligj vendos segregacionin. Zhduk shanset e barabarta per shkollim, si nje e drejte universale dhe rikthen luften e klasave. E njejta mendesi si e eterve diktatore. Asnje merite. Nese nuk je i pasur, nuk shkollohesh.

Ka nje rrugedalje. Te marresh kredi, te hysh ne borxh, t’i ngjash Edi Rames. Ndryshimi eshte se 1 miliard dollaret qe ky ka marre borxh per dy vjet, i paguajne shqiptaret, ndersa borxhin e panevojshem qe ky ju detyron te merrni per te paguar shtrenjte shkollen e larte, do ta paguani vete, kur te hyni ne pune.

Por ne pune nuk hyhet pse je i shkolluar. Puna fitohet me tesere partie. Dhe atehere, pervec kestit te kredise se shkolles, do te paguani dhe kuotizacionin e anetaresise se partise. Keshtu ka vendosur partia se fundmi. Dhe ky eshte skenari me optimist per te rinjte e Shqiperise.

3) Ligji eshte antikushtetues edhe sepse permbyset garancia kushtetuese e nenit 57 qe garanton autonomine universitare dhe lirite akademike.
Eshte dramatike sesi ky kryeminister, i diplomuar si mesues vizatimi, te marre nen kontroll tempujt e dijes dhe te vendose per gjithcka ne jeten universitare, duke kthyer ne farse bordet dhe senatet.
Kryeministri – mesues vizatimi i do te gjitha, edhe kur nuk i duhen, edhe kur nuk i kupton. I do, sepse me ato blen pushtet, ne duke poshteruar te diturit dhe duke paguar Klientet e pushtetit, te licensuar per shperndarje diplomash universitare, por jo per dije. Ne duhet ta ndalojme kete rrezik kombetar!

Ligji eshte Anti Europian.

Mesuesi i vizatimit, qe me 1 milione vota u punesua kryeminister, reciton ne median e huaj dhe vendase se endrra jone eshte Europa. Eshte e vetmja here qe nuk genjen. Por ai ka vetem fjale te bukura. Sic thoshte miku i tij i ndjere Ardian Klosi “Edi Rama eshte ai qe di me pak nga ne, por ai tregon bukur”.

Ligji per arsimin eshte antieuropian. Nje nga ekspertet me te mire te Bashkimit Europian per ceshtjet e arsimit, profesori X thote se ky ligj jo veten nuk pasqyron nje sere dokumentash baze te rendesishem te Bashkimit Europian, por ligji nuk i perafrohet ne model asnje vendi Europian.

Sipas prof X ky ligj ben te kundertetn, sepse kryeministri mesues vizatimi qe perbetohet per Europen, ka rrezuar parimet dhe standardet themelore europiane.

Dhe i ka rrezuar jo pa qellim. Nepermjet ketij ligji qeveria vendos te sakrifikoje Dijen, te cilen duhet ta garantoje njesoj per te gjithe, si per te pasurit, edhe per te varfrit. Si per 5 perqindshin, ashtu edhe per 95 perqindshin apo 1 milione te papunet e fushates se Rilindjes!

LEXO EDHE:  Italia dhe Call Center/Ja problemet që ligji do sjellë në Shqipëri

Keta jane harruar, sepse tani gjithcka shitet dhe blihet. Pothuajse te gjithe jane te gatshem per pazar!

Fatkeqesia eshte qe pazari behet me parate publike te shqiptareve. Prandaj ky ligj eshte klientelist dhe korruptiv!

Sepse parate qe shqiptaret paguajne per buxhetin e shtetit qe te arsimojne femijet ne shkolla publike me nje tarife te arsyeshme, do te shkojne per universitetet private. A ka arsye? Asnje. Thjesht sepse keshtu do Edi Rama me Ilir Meten.

Do t’u japin miliona euro ne vit nga buxheti i shtetit disa pronareve universistesh, te licencuar per shperndarje diplomash dhe te vetelincesuar per lajkatim te kryeministrit, ne cdo forme qe atij i duhet.

Deputete te Kuvendit te Shqiperise,

Refuzojeni kete ligj!
1 milione te papunet dhe ata qe mbeten nuk kane 1 mije euro ne vit per te paguar tarifen e rregjistrimit ne Universitetet publike.

Refuzojeni kete ligj, sepse 1 milione te papunet dhe ata qe mbeten nuk kane 2 mije euro ne vit per te paguar masterin. Ne kete tarife nuk perfshihen librat, transporti, ushqimi, fjetja.

Refuzojeni kete ligj, sepse ky eshte ligji qe u thote te rinjve “Ikni ne eksod! Ky vend nuk behet! Sepse ky kryeminister i paditur ka zgjedhur te beje tregti milionere diplomash, duke sakrifikuar Dijen dhe bashke me te edhe te Ardhmen.

Eshte tragjike sesi pas 100 vjetesh, Gjergj Fishta eshte kaq aktual, kur tregon me nje mjeshteri te rralle episodin e nje tregtie te cuditshme.

Shenkolli, me urdher te Zotit, del neper bote me nje barke ngarkuar me mend. Kush donte t’i shtonte ato qe ka, mund te blinte edhe do te tjera. Me ne fund rruga e qiti shejtin ne Shengjin. Ne te njejten kohe, del ne kete port edhe djalli, qe vinte nga Franca me nje barke ngarkuar me shkarpa per t’i shitur. Se c’ndodh me bleresit shqiptare, At Gjergj fishta e shkruan ne vargje:
“Ran shqiptaret at-her n’kuvend,

E me folun rend-e rend,

(Shka nder ne nuk mbahet mend…

E pleqnuen se per kete vend

Duhen shkarpa e jo mend.

E prandaj kta bane toben,

E ma teper vune gjoben

Per me u la me desh e qe,

Mend Shenkollit mos me i ble.

Mandje cuene n’Sh’Njin ke djalli:

Per m’e pvete sa i bante malli.

Edhe Djalli-dreq i vjeter,

Qe tue dashte nuk ishte tjeter

Vec m’e lane ate mall n’Shqypni,

U la shkarpat veresi”

Ne fakt, si besimtar ne Zot, Gjergj Fishta e ben edhe djallin te meshirshem per shqiptaret. Por ai nuk mund te parashikonte qe pas 100 vjetesh djalli do te behej kryeminister dhe kryetar parlamenti i pameshirshem, qe po dun t’u shesin shkarpat shqiptareve. Biles po dun me ua shit shtrenjte!

Deputete te Kuvendit te Shqiperise, me shkolle dhe pa shkolle, me shkollen e dijes ose me shkollen e burgut, mos denoni kaq rende te ardhmen e Shqiperise! Mos e shisni ate per shkarpat e Edi Rames dhe Ilir Metes!
Te nderuar qytetare,

Nese ky ligj kalon, kjo eshte nje nga arsyet pse ky rregjim meriton te permbyset.

Mos kini frike nga kjo fjale ju qeveritare!
Kini frike nga heshtja e popullit, sepse nuk e blini dot gjate!

 

Fjala e plote mbajtur sot ne parlament per ligjin e Arsimit te Larte.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kryesore

Drogë e fshehur në zarf/ Arrestohet i riu shqiptar në Itali

Publikuar

-

Nga

Policia italiane ka arrestuar nje shtetas shqiptar pasi iu gjet në kuzhinën e banesës së tij, në Romë një zarf me 26 gramë kokainë.

Në pranga u vu shtetasi N.J., 23 vjeç i cili  vëzhgohej prej një kohe të gjatë nga autoritetet italiane.  Droga dhe materialet e tjera paketuese iu gjetën pas një sërë kontrollesh në banesën dhe lokalet që frekuentonte shqiptari.

I riu ëshë dërguar në qendrën e vuajtjes së dënimit ‘’La Costarelle’’, ku do të përgatitet për të dalë në gjyq për akuzën e trafikut të drogës./CNA.al

LEXO TE PLOTE

Kryesore

Zëri Amerikës përplas aktorët, dalin detaje të reja/ Soros, Berisha, Rama, Basha dhe Veliaj

Publikuar

-

Nga

Xhorxh Soros, është një filantrop i cili ka zgjedhur të investojë për një shoqëri të hapur në Shtetet e Bashkuara dhe mjaft vende të botës dhe ta mbështesë karierën e tij rreth kësaj ideje. Ai krijoji në Amerikë në fund të viteve 60 Fondin Kuant, një prej fondeve më të sukseshme të investimeve më risk. Miliarderi, në fund të viteve 80 çeli zyra të fondacionit në disa vende të Europës lindore, dhe pas rënies së sistemit komunist edhe në Shqipëri.

Mirëpo edhe pse ai ka investuar qindra miliona dollarë në vendet ish-komuniste, në fusha si arsimi, shëndetësia, dhe në mjaft projekte me ndikim për shtresat në nevojë, sot debati është përqendruar në ndikimin e tij politik në këto vende. Në Shqipëri ky debat kulmoi gjatë hartimit dhe miratimit të Reformës në Drejtësi 3 vjet me parë.

“Lidhet drejpërdrejt dhe vetëm me rolin e reformës së drejtësisë dhe me faktin se kjo reformë ka filluar të japë rezultatet e para, sado pikëpyetje dhe problematika që ka patur në ecurinë e vet”- thotë Andi Dobrushi drejtor ekzekutiv i Fondacionit Soros.

“Le të marrim pak reformën në drejtësi. Le të më thotë mua çdo njeri, çfarë do Fondacioni Soros të hartojë strategjinë e reformës në drejtësi. Një qëllim të vetëm ka, për të shëndrruar drejtësinë shqiptare në degë të ekzekutivit të Edi Ramës”– shprehet Sali Berisha, ish Presdient i Shqipërisë.

“Ne nuk kemi ofruar asnjë paketë për Komisionin e Vencias apo për çdo institucion tjetër. Ne kemi asistuar financiarisht parlamentin e Shqipërisë në punën që kanë kryer 60 ekspertët e e emëruar prej tij. Ne kemi investuar 600 mijë dollarë për parlamentin shqiptar praktikisht. Këtu fillon dhe mbaron mbështetja e Fondacionit Soros për Reformën në Drejtësi”– sqaron Andi Dobrushi drejtor

Edi Rama, Alex Soros, George Soros

ekzekutiv i Fondacionit “Soros”.

Por debati mbi veprimtarinë e Fondacionit Soros në Shqipëri është më i hershëm se Reforma në Drejtësi. Ish-presidenti Berisha përkundrejt rezervave të forta dhe incidentit me dy punonjës të Fondacionit Soros që u shpallën non grada prej tij, me argumentin se ishin kapur nga shërbimet sekrete shqiptare duke iu dhënë informacione shërbimeve serbe, e vlerëson kontributin e Sorosit në fillim të viteve 90.

“Por kjo natyrisht nuk ndërpreu marrëdhëniet midis vendit tonë dhe Xhorxh Soros. Investimi i tij në Shqipëri për ngritjen dhe mbështetjen e shoqërisë civile, ishte shumë i mirpritur nga unë. Unë isha president i një vendi, në atë përiudhë i treti më i varfër në botë. Njerëzit nuk kishin asnjë mundësi të udhëtonin, nuk kishin mundësi të siguronin zyra, dhe e vërteta është së në këtë drejtim Fondacioni Soros, mendoj se ishte burimi kryesor i financimit dhe krijimit të këtyre organizatave”– pohon zoti Berisha.

Xhorxh Soros ndikoi në Shqipëri në fillim të viteve 90-të në mbështetjen dhe organizimin e shoqërisë civile. Por kjo veprimtari u shoqërua nga opinione dhe gjykime të ndryshme shpeshherë dhe të ashpra.

“Pas 4-5 vitesh konstatova se ky ishte një investim pothuajse tërësisht i njëanshëm dhe Xhorxh Soros ngriti një rrjet shoqatash të cilat në 80-90% të tyre ishin leva të ish-partisë komuniste, të partisë socialiste që ndërroi emrin. Ishte një dëmtim palcor i rolit dhe misionit të shoqërisë civile”– shprehet Sali Berisha, ish- Presdient i Shqipërisë.

“Në një kuadër më të gjerë Xhorxh Sorosi është njeri pas politikave progresiste dhe liberale dhe njëkohësisht dhe një nga kontribuesit në vendet postkomuniste. Kështu që dihet që është një antikomunist. Nuk mund të jetë një njeri që investon tek e majta”- shprehet Edlira Gjoni, Drejtuese e Qendrës për Ndikim Publik.

“Në një fondacion që punon për gratë e trafikuara, ti nuk i thua një gruaje a je e majtë apo e djathtë që unë të të shërbej dhe të jap shërbimin tim. Për këtë arsye them që paratë që janë derdhur për shoqërinë civile 80% e tyre kanë shkuar tek ata që kanë patur nevojë për t’i marrë këto shërbime”– thotë Iris Luarasi, aktiviste e të drejtave të grave.

Protagonistë të shoqërisë civile veçojnë meritën e Xhorxh Sorosit në lëvrimin e 130 milion dollarëve në arsim, mjekësi, në ndihmë të komunitetit rom dhe egjiptian, në ndihmë të familjarëve të viktimave të tragjedisë së Gërdecit, duke iu dhënë mbështetje ligjore si dhe mjaft projekte të tjera.

“Gjithashtu nuk duhet të harrojmë se në kohën kur Berisha ishte president, ky njeri financonte ndërtimin e mbi 200 shkollave. Kështu që nuk mund të mohohen investimet që Soros ka bërë, pavarësisht se cila parti ka qenë në pushtet”– thotë Edlira Gjoni, Drejtuese e Qendrës për Ndikim Publik.

“Asgjë si mohohet asgjë. Dhe unë kam bashkëpunuar me Xhorxh Sorosin në dekadën e romëve. Qeveria ime me Organizatën e Kombeve të Bashkuara është angazhuar me interes të veçantë në këtë drejtim”– shprehet Sali Berisha ish Kryeministër i Shqipërisë.

“Problemi që ka lindur në Shqipëri me problemin Soros lidhet kryesisht me programin politik, pra të trajnimit të lidershipit dhë të forcimit të kapaciteteve të partive politike”- shprehet Lavdrim Lita, bashkëthemelues i Qendrës Zëri i Integrimit.

Komponenti politik është dhe fusha gri e gjithë debatit ndaj figurës së Xhorxh Sorosit. Kundërshtarët e tij në Shqipëri shohin tek ai një mbështetës dhe financues të fuqishëm të së majtës dhe eksponentëve të saj.

LEXO EDHE:  Të rikthehet sistemi meritë-preferencë

LEXO EDHE:  Çfarë fshihet pas Kuvendit Kombëtar të PD?/ Përgjigjet Jozefina Topalli

“Kemi një ç’ekuilibrim të balancës politike në raport me Fondacionin Soros. Kemi një raport 8-2, pra kemi një favorizim e partive politike më bindje të majta dhe lënie mënjanë e PD dhe partive të qendrës së djathtë” – argumenton Lavdrim Lita, bashkëthemelues i Qendrës Zëri i Integrimit.

“Në këtë mes është e vështirë të spekulosh se mbështetja ka qenë 80% për të majtët dhe 20 për të djathtët sepse unë nuk e di se kush është kjo shoqëri civile që është e majtë dhe kush është e djathtë” – sqaron Andi Dobrushi drejtor ekzekutiv i Fondacionit Soros.

“Ai mund të thotë se unë kam financuar edhe qendrën e djathtë, por ato kanë qenë stërpika krahasuar më milionat e milionat, që ai derdhi për financimin e ish pasardhësve të nomenklaturës”– shprehet Sali Berisha ish Kryeministër i Shqipërisë.

“Për rastin e zotit Basha, për çfarë informacioni kam unë, ka patur një marrëveshje mes Univeristetit të Uhtretit dhe Fondacionit Soros për bursa të përbashkëta për studentët shqiptarë. Dhe ka rastisur që dhe zoti Basha ka qenë student në atë kohë dhe ka përfituar prej tyre. Nuk besoj se ka patur një bursë specifike për zotin Basha”– sqaron Andi Dobrushi drejtor ekzekutiv i Fondacionit Soros.

“Unë nuk di të këtë marrë bursë, por edhe sikur të ketë marrë bursë, kjo nuk do të thotë që unë të mbetem skllav i një burse. Po të jetë ashtu dhe nësë do të isha në vendin e tij ja ktheja ato para”– pohon ish Kryeministri Sali Berisha.

Fondacioni Soros drejtohet nga një bord, në përbërje të të cilit vit pas viti kanë qenë mjaft përsonalitete të jetës shoqërore dhe politike në Shqipëri. Sot nën dritën e re të diskutimit dhe debatit mbi rolin dhe ndikimin e Xhorxh Soros për një shoqëri të hapur, mjaft emra shigjetohen si tregues, se filantropi ka mbështetur të majtën ekstreme duke sjellë pasoja për vendin.

“Edi Rama vetë ka qenë kryesor në Fondacionin Soros. Linda Rama vetë ka qenë drejtuese e Fondacionit Soros. Erjon Veliaj gjithashtu. Në një aspekt, me paratë e tij është mbjellë fara e korrupsionit e paimagjinueshme. Nuk është se nuk ka ekzistuar korrupsi

oni, por dhe ka ndikuar”– shprehet Sali Berisha ish Kryeministër i Shqipërisë.

“Në bordin e Fondacionit Soros njerëzit nuk vijnë të bëjnë karrierë dhe nuk e ndërtojnë karrierën e tyre nga bordi i fondacionit përkundrazi të mos harrojmë se në bordin e fondacionit kanë qenë njerëz si Ylli Popa, Ismail Kadareja. Ka patur gjithnjë një balancë në përbërjen e bordit sidomos përsa i përket si bindjeve po ashtu dhe prurjeve dhe ideve”– argumenton Andi Dobrushi drejtor ekzekutiv i Fondacionit Soros.

Ish Kryeministri Sali Berisha thotë për Zërin e Amerikës se takimi i tij i fundit me zotin Soros ishte pas fitores së zgjedhjeve të vitit 2005.

“Xhorxh Sorosin e kam pritur në 2005-ën. Fitova zgjedhjet dhe ai erdhi për Edi Ramën. E prita në një drekë, diskutova, i përcaktova qëndrimet e mija se unë kam ndërmend të bashkëpunoj më të gjithë pushtetin vendor, dhe natyrisht dhe me kryetarin e bashkisë së Tiranës, kam ndërmend të bashkëpunoj me opozitën. Interesi i tij në këtë takim ishte Edi Rama.”

“Ne kemi punuar dhe bashkëpunuar me të gjitha qeveritë si të majta ashtu dhe të djathta. Mund të jemi konfrontuar madje me to, siç ka qenë rasti i Gërdecit. Raste të tjera janë aktuale. Një çështje e pacientes hemofilike, që është fituar në gjykatë kundër Ministrisë së Drejtësisë. Çështje tjetër është një e sëmurë që vuante nga kanceri dhe që nuk i jepeshin medikamentet nga Ministria e Shëndetësisë. Në Tepelenë përshëmbull kundër ndërtimit të hidrocentraleve. Kemi raste të tjera të ndërtimit të hidrocentraleve në Valbonë. Janë çështje juridike që vazhdojnë”– argumenton Andi Dobrushi drejtor ekzekutiv i Fondacionit Soros.

Lidhur me pyetjen e Zërit të Amerikës se kritikët shprehen se Partia Demokratike po kërkon të gjejë një armik të jashtëm pasi nuk arrin të jetë frymëzuese për mbështetësit e saj, zoti Berisha shprehet se:

“Sot opozita është shumicë dhe do të ishte absurde të mendohej se PD do të preferonte për armik një superspekulant të planetit me një fuqi të jashtzakonshme, sepse përdor paratë për të blerë politikanët dhe politikë, si askush tjetër në botë. Por Partia Demokratike guxon dhe do të guxojë t’i thotë të vërtetat në sy.”

Debati mbi aktivitetin e miliarderit Xhorxh Soros dhe rolin e tij në mbështetje të shoqërisë civile nuk është një çështje thjesht dhe vetëm shqiptare. Filantropi është i atakuar edhe në Amerikë pasi ai mbështet demokratët dhe është kundërshtar i fortë i Presidentit Tramp. Kritika ndaj ideologjisë Soros për një shoqëri të hapur, pati vitet e fundit edhe në disa vende të Europës, veçanërisht në Hungari dhe Maqedoninë e Veriut. Vala e këtij diskutimi ngre pikpyetje mbi këtë figurë komplekse, që u bë i pasur duke investuar fonde më risk, dhe që një pjesë të parave të tij, në ndryshim nga mjaft miliarderë të tjerë, ka zgjedhur t’i shpenzojë për forcimin e atyre që ai e quan shoqëri të hapura./VOA

LEXO TE PLOTE

Kryesore

Hetimi i Ilir Metës/ Fatmir Mediu injoron deputetët

Publikuar

-

Nga

 Fatmir Mediu, kryetari i Partisë Republikane, ka qenë pjesë e të intervistuarit në “Ditarin” e televizionit “A2-CNN”, ku si temë diskutimi ishte dalja e presidentit Ilir Meta, paraditen e sotme, përpara trupës së Komisionit Hetimor parlamentar.

Ndërsa e ka vlerësuar qëndrimin e Presidentit, Mediu ka injoruar deputetët pjesëmarrës në aktin e marrjes në pyetje të Ilir Metës, duke i etiketuar si shërbetor të verbër të urdhërave politik etj.

“Sot ishte shfaqja më e turpshme e Kuvendit të Shqipërisë, deputetë që nuk njohin as Kushtetutën, por i shërbejnë verbërisht urdhrave politikë. Nga ana tjetër, Presidenti, me përgjegjësinë dhe me autoritetin që i jep Kushtetuta, shpjegoi vendimin e tij për shtyrjen e datës së zgjedhjeve, e cila nuk u respektua për shkak të urdhrit politik të Edi Ramës. Ku objekt hetimi ishte i ndërtuar qëllimisht nga ana e Partisë Socialiste, e cila pas raportit të OSBE/ODIHR duhet të kishte një reflektim. Interesi i tyre politik dominon mbi interesin kombëtar. Më bëri përshtypje analiza e Presidentit, më tërhoqi vëmendjen qëndrimi i tij kur tha se nuk donte të kishte një Rajshtag në Shqipëri. Ky komision është një zgjatim i pavlerë. Edi Rama ka shpërfytyruar shtetin dhe shtetarin. Sot shqiptarët mendojnë se shteti dhe shtetari janë një gjë e keqe. Rama e ka bërë këtë qëllimisht. Nuk ka parlament. Jemi në një vend ku nuk kemi as Gjykatë të Lartë e as Prokurori. Edhe Partia Socialiste është drejt degradimit”, , ka deklaruar Fatmir Mediu./CNA.al.

LEXO TE PLOTE
Lajme të Rekomanduara: