Kronika
Incidenti në Elbasan, procedim penal për autorin
Policia e Elbasanit dha detaje për incidentin e djeshëm në një nga zyrat e Partisë Demokratike në këtë qytet.
Sipas të dhënave, blutë e Elbasanit kanë nisur procedim penal në gjendje të lirë për 19-vjeçarin me iniciale F.M. Mësohet se ky shtetas ka kanosur me fjalë për problemin e votimit shtetasit B.M., 43 vjeç dhe shtetasin XH.M, 52 vjeç.
Nga lagja e banuar kryesisht nga komuniteti rom në Elbasan, kreu i opozitës, Lulzim Basha deklaroi dje se bandat e kandidatit Qazim Sejdini kanë kërcënuar me armë në shtëpitë e tyre simpatizantët e PD.
Kronika
Lista me të dhënat private/ SPAK drejt sekuestrimit të materialeve forcërisht
Lista me të dhëna konfidenciale të kategorizuar si “mbështetës” ose jo të Partisë Socialiste, janë publikuar së fundmi në media.
Bëhet fjalë për të dhëna sensitive të 910 mijë qytetarëve, banorë të Tiranës, ku përfshihej numri i ID dhe numri i telefonit.
Për këtë çështje një hetim ka nisur edhe nga Struktura e Posaçme Antikorrupsion.
Për të hedhur dritë më tej në SPAK, kanë dëshmuar Andi Bushati dhe Armand Shkullaku, të cilët nxorën në median listën me të dhënat private.
Ndërkohë, SPAK i ka çuar shkresa zyrtare Agjencisë Kombëtare e Shoqësisë së Informacionit dhe Partisë Socialiste për t’u dhënë informacion të plotë mbi sistemet që ata kanë dhe mundësinë që të jetë abuzuar, në atë që pretendohet në lidhje me publikimin e të dhënave personale.
Burime nga SPAK i thanë CNA.al se ende nuk janë marrë përgjigjet zyrtare as nga PS as nga AKSH-i dhe në rast se do të refuzohet përgjigja prej tyre, do të përdoret forca nga ana SPAK.
Pra, do të ndërhyhet në PS dhe AKSH për të marrë të gjithë dokumentacionin që është i nevojshëm për hetimin e kësaj çështje, sasktësojnë burime nga SPAK, për CNA.al.
Kronika
Vrau gruan/ 35 vite burg për gardistin
35 vite burg, për ish gardistin Alket Arapaj i akuzuar për vrasje në familje. Ky ka qenë vendimi që ka marrë Gjykata e Tiranës, paraditen e sotme.
Kujtojmë se me 12 shkurt 2019, ai ekzekutoi në banesën e tij bashkëshorten Evelina Seferaj, në Allias.
Krimin e kreu me armën e shërbimit, duke e qëlluar tre herë bashkëshorten e cila mbeti në vend e vdekur./CNA.al
Kronika
Përplasen me policinë/ Arrestohen dy të rinj
Specialistët për Hetimin e Krimit në Komisariatin e Policisë Tropojë arrestuan në flagrancë shtetasit F. O., 24 vjeç, dhe E. B., 23 vjeç, banues në Tropojë.
Arrestimi i tyre u bë pasi këta dy shtetas janë konfliktuar me persona të tjerë në një lokal në qytetin e Bajram Currit, duke dëmtuar një tavolinë dhe një kompjuter në ambientet e lokalit.
Gjatë shoqërimit nga patrulla e Policisë, këta shtetas kanë kundërshtuar me forcë punonjësit e Policisë dhe kanë dëmtuar automjetin e Policisë.
Gjatë kontrollit fizik, shtetasit F. O. i është gjetur dhe sekuestruar në cilësinë e provës materiale një thikë./CNA.al
