Connect with Us

Ku je bre burri politik i Luftës së Kumanovës!

Opinione

Ku je bre burri politik i Luftës së Kumanovës!

Publikuar

-

Nga Kastriot MYFTARAJ

 

Një muaj pas Luftës së Kumanovës, enigma më e madhe është se kush ishte koka politike e kësaj lufte, domethënë drejtuesi politik i saj. Me “drejtues politik” kuptoj njeriun i cili mori vendimin politik për nisjen e luftës. Apo edhe grupin e ngushtë të drejtuesve politikë, që në fjalorin e ushtrive çlirimtare të hapësirës shqiptare njihet si Drejtoria Politike dhe që nuk mund të kenë qenë më tepër se tre vetë. Asnjë nga komandantët e vrarë apo të arrestuar në Kumanovë nuk mund të ketë qenë drejtuesi politik i kësaj lufte.

Drejtuesi politik mori vendim që lufta të nisë pikërisht në kohën kur nisi dhe në vendin ku nisi. Të tjerat ju përkasin “komandantëve”, si nisja e luftës me sulmin ndaj stacionit policor në Gushincë.
Tashmë kur gjërat shkuan ashtu si shkuan, nuk mund të mos bëhet pyetja se përse drejtuesit politikë të kësaj lufte nuk gjendeshin në Lagjen e Trimave, së bashku me komandantët e luftës? Si është e mundur që të gjithë komandantët kryesorë të një ushtrie tubohen në lagjen e një qyteti, ku atyre iu ishte ngritur një pritë dhe në këtë tubim mungojnë drejtuesit politikë të luftës? Nëse ka pasur një tradhti, si po thuhet me të madhe, shpjegimin e parë ka detyrim ta japë drejtuesi politik i luftës së Kumanovës, i cili është i dyshuari kryesor, për shkak të mungesës së tij.
Çuditërisht, miqtë dhe familjarët e komandantëve të vrarë në Kumanovë, i kërkojnë llogari për tradhti gjithkujt përveç drejtuesve të panjohur politikë, por që ata supozohet t’ i njohin mirë. Dhe me këtë miqtë dhe familjarët e komandantëve të vrarë në Kumanovë praktikisht pohojnë se kjo luftë nuk ka pasur drejtues politikë. Në këtë pikë nuk mund të mos bëhet pyetja: Pse nuk ka pasur drejtues politikë UÇK që nisi luftën në Kumanovë? Nuk mund të ketë një ushtri guerrilase pa drejtues politikë. Kuptohet, përveç rastit kur kjo ushtri është një krijesë e shërbimeve të fshehta të shtetit kundër të cilit supozohet të luftojë. Pra, drejtuesi politik i UÇK të Kumanovës, ka qenë Sashko Mihallkovi, shefi i shërbimeve të fshehta maqedone.
Kjo kuptohet edhe nga akuzat për tradhti ndaj dy anëtarëve të grupit të armatosur të Kumanovës, Sylejman Osmanit dhe Riza Jonuzit, të cilat janë artikuluar në mënyrë të tillë që të krijohet përshtypja se tradhtia e tyre qëndron në faktin se ata kanë bërë një marrëveshje të dytë me shërbimet e fshehta maqedone, përveç asaj që kishin komandantët. Pra, komandantët e dinin se gjërat do të shkonin sipas marrëveshjes që ata kishin me Sasho Mihajllovin, shefin e shërbimeve të fshehta të Gruevskit, domethënë do të bënin një luftë të rrejshme, duke qitur disa batare, çka do t’ i shërbente Gruevskit për të penguar që kriza politike të merrte nje shkallëzim dramatik, me publikimin e pritshëm nga Zajevi të videopërgjimit për Çështjen “Monstrum” në mes të majit, që do të kishte çuar pashmangshmërisht në përmbysjen me dhunë të Gruevskit nga pushteti, ose në luftë civile mes vetë sllavo-maqedonëve.

LEXO EDHE:  BDI sqaron pozicionin ndaj ngjarjeve në Kumanovë

Në fakt Gruevski ia arriti që të shmangte më të keqen. Por që Gruevski të sigurohej se Zajevi nuk do ta publikonte videopërgjimin për Çështjen “Monstrum”, ose së paku që edhe kur ta publikonte do ta bënte këtë duke e cunguar, ndryshe do të akuzohej se ka vënë në rrezik ekzistencën shtetërore të Maqedonisë duke nxitur terrorizmin shqiptar, duhej që në Kumanovë të kishte disa të vrarë, “terroristë” shqiptarë dhe policë maqedonë. Dhe këtu u “tradhtuan” ata luftëtarë të cilët mendonin se do të shkonin në Kumanovë si në festë, si në atë këngën e Adelina Ismajlit (Kumanova mori nanë/qikat si perri!), duke bërë batare si në dasmë, e duke u larguar si prej dasme

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Pasojat e revoltës së 2 marsit, çfarë po synon Ilir Meta dhe parashikimet e kobshme të analistëve

Publikuar

-

Nga

Nga Ylli Pata –

Pas shpalljes së revoltës së 2 marsit, kur Ilir Meta, siç tha publikisht, do t’i bjerë Kryeministrisë dhe Kryesisë së Kuvendit që ndodhen në Bulevardin “Dëshmorët e Kombit”, komentatorët e analistët kanë nisur të parashikojnë pasojat e mundshme.

Të cilat duket se kanë një kolorit të gjerë resonance, nga përplasja civile, pra rikthimi i molotovëve ndaj Kryeministrisë, apo edhe më shumë se kaq, e deri tek eleminimi fizik i Ramës, që e përmendi Frrok Çupi.

Por realisht duket se është një fotokopje e 2017-s dhe 2019-s, kur opozitat braktisën institucionet dhe dolën në rrugë.

Një vit më parë ndodhi e pandodhura në Shqipëri, që ishte dalja totale e opozitës nga çdo përfaqësim politik institucional, me logjikën për të bllokuar Parlamentin e me synimin për të krijuar kapsllëk institucional, që mund të prodhonte një zgjidhje të negocuar drejt një qeverie jashtë parlamentare e zgjedhje të reja, sipas kushteve të Metës e Berishës.

Një pjesë e madhe e analistëve vunë bast që nuk do të ketë zgjedhje lokale më 30 qershor dhe këtë e thanë aq me pathos, sa vunë në lojë edhe kredibilitetin e tyre profesional.

Kur më 30 qershor zgjedhjet u zhvilluan dhe madje normalisht, kënga ndryshoi sikur të mos kishte ndodhur asgjë, dhe ata që thanë të kundërtën as u skuqën e as u zverdhën, po ndryshuan këngën.

Kishte nga ata që paralajmëruan edhe vrasje politike, si pasojë e daljes nga sistemi të një pjese të kastës politike. Por natyrisht nuk ndodhi asgjë.

Po më 2 mars çfarë do të ndodhë, përveç presionit, nëse Meta shpërndan Parlamentin me dekret Bulevardi dhe niset të futet në Kryeministri?

Sipas gjasave, do ketë skena tensioni si ato të një viti më parë apo edhe më shumë, në varësi edhe të përgatitjes së forcave të rendit.

LEXO EDHE:  Kumanove, 18-vjecarja rekrutohet nga ISIS, prinderit: Eshte ne Irak

LEXO EDHE:  Nga Kastriot Myftaraj/ Lorik Cana duhet t’i përgjigjet Gary Linekerit

Por synimi apo pasojat janë thjesht që ky tension të ndikojë në vendimarrjen e Samitit të Zagrebit për hapjen e negociatave.

Një vendim pozitiv i vendeve anëtare pas dhënies së 1.15 miliardë eurove për rindërtimin duket se konsiderohet si kob për Metën në radhë të parë, por edhe për qarqe të tjera të opozitës, pasi ata kështu e kanë nisur kauzën e tyre, si një përplasje fatale me Ramën.

Meta synon t’i heqë kryeministrit të paktën një arritje.

Ndryshe do të ishte sikur ata ta kishin zhvilluar këtë opozitë si një alternativë e Edi Ramës, ku mund të kishin korrur konsensus edhe më shumë, madje mund të kishin qenë aktorë kryesore, si në 1.15 miliardëshin e rindërtimit, ashtu edhe në hapjen e negociatave me BE-në.

Kështu ndodhi më PS-në në 2008, kur kreu i grupit parlamentar të saj, Valentina Leskaj, ishte në delegacionin shqiptar kur u dha ftesa për anëtarësim në NATO.

Ndërsa ambasadori amerikan Uithers, e cilësoi Ramën një javë para atij vendimi si “burrë shteti”, pasi nuk e përdori politikisht tragjedinë e Gërdecit.

Rama nuk erdhi në pushtet një vit më pas, edhe pse doli parti e parë, si pasojë e koalicionit Meta-Berisha. Politika nuk është gjë tjetër veçse dialektikë e zhvillimeve të atyre që një klasë mbjell çdo ditë.

Kjo lloj opozite ka mbjellë vetëm erën e zhurmën dhe është e ditur që do të korrë vetëm furtunën, që siç para një viti erdhi nga jashtë…

LEXO TE PLOTE

Opinione

Nga Armir Shkurti/ Grusht shteti, por jo si thotë Meta!

Publikuar

-

Nga

ilir meta

Befas na doli “Grusht Shteti”. Majtas – djathtas, përtej të majtës e së djathtës, politikë a facebook janë ndarë dysh: Ka grusht shteti në Shqipëri – nuk ka grusht shteti në Shqipëri. Meqë “bombën” e lëshoi Ilir Meta, ata që janë me Metën, edhe kur nuk e dinë ç’është, betohen se ka! Ata që janë kundër Metës, edhe kur e dinë ç’është, thonë se nuk ka grusht shteti të Ramës.

JEMI EDHE NE!

Me avokatin Altin Goxhaj, vite më parë , po shumë më përpara, kur Presidenti i sotëm ndante tepsinë me Edi Ramën, kemi denoncuar grushtin e shtetit me të cilin Edi Rama ka kapur gjithë pushtetet.

Thjesht për ish njeriun e Metës, Brahon e Ramës që e quan sot  qesharak këtë nocion, se “Rama e ka pushtetin tashmë”, le të sqarojmë pak se ç’është kjo gjëja:

Grushti i shtetit është uzurpim me forcë a mjete jodemokratike të një pushteti nga një diktator, ushtarak a grupim politik. Ndërkohë në Shqipëri:

1. Kemi uzurpimim e Parlamentit me ndihmën e kryetarit të ish opozitës dhe fabrikimit të një opozite fasadë që s’përfaqëson askënd.

2. Uzurpimin dhe kontrollin e plotë të sistemit gjyqësor përmes të ashtuquajturës “Reformë në Drejtësi” të cilën, ndryshe nga sa qe paraqitur në publik, na e pohoi se e ka kërkuar dhe bërë ky vetë e jo të huajt. Në emër të saj tashmë u bënë jo muaj por vite që vendi është pa Gjykatë Kushtetuese e pa gjykatë të lartë. Për rrjedhim, ligjet NUK KA AS KUSH I INTERPRETON E AS KUSH I KTHEN MBRAPSH KUR JANË TË GABUAR, TË PADREJTË pse jo edhe KRIMINALË

LEXO EDHE:  Kumanove, perleshje ne BDI, vritet kandidati Xhemail Rexhepi

LEXO EDHE:  Kumanove, 18-vjecarja rekrutohet nga ISIS, prinderit: Eshte ne Irak

3. Përmes shpopullimit masiv e sistematik të vendit dhe zëvendësimin e të ikurve me emigrantë nga vende të mjera të planetit.

4. Në kundërshtim me aspiratën për ” identitet dhe bashkim kombëtar” që ende kemi në kushtetutë, ka anashkaluar Kosovën për një marrëveshje okulte me një vend aspak mik të Shqipërisë dhe shqiptarëve: Serbisë. Marrëveshje që e ka shpallur si nismë të tijën e jo të imponuar prej BE apo SHBA.

Pa vazhduar me të tjerë argumenta, kthehemi tek konteksti i sotëm.

Dosja e GRUSHTIT TË SHTETIT me të cilin Edi Rama ka uzurpuar çdo pushtet në vend është kyçi që çmonton ESTABLISHMENTIN e për rrjedhim edhe OLIGARKINË në Shqipëri. E kemi artikuluar, bashkë me avokatin Goxhaj se VETËM kushtet e një grushti shteti bëjnë nul ligjet, aktet, kontratat e PPP – ve, përmes të cilave Edi i Gjithëpushtetshëm i ka shitur të ardhmen e vendit një oligarkie tepër të dyshimtë për vet ekzistencën e Shqipërisë e më tej, kombit shqiptar.

Ky “kofini pas të vjelave” që lëshoi Meta është po aq kriminal sa vetë GRUSHTI I SHTETIT nëse përdoret thjesht si sllogan për të motivuar edhe një tjetër protestë a valë protestash. Kauzës kyçe për ndryshimin rrënjësor të politikësh shqiptare as Meta e askush s’ka moral ta përdorë si një trap për të hedhur lumin! Do të thotë: PA NJË DOSJE TË PLOTË PENALE, CIVILE E ADMINISTRATIVE, PARAQITUR INSTITUCIONALISHT BE, SHBA E INSTITUCIONEVE TË TJERA NDËRKOMBËTARE, çdo përdorim i termit “GRUSHT SHTETI” është shërbim nga Edi Ramës për shkak të zhvleftësimit dhe degradimit të konceptit.

LEXO TE PLOTE

Opinione

Nga Andi Bushati/ Ku fshihet hilja e 1.15 miliardë eurove

Publikuar

-

Nga

Që kur ka përfunduar Konferenca e Donatorëve në Bruksel, që e joshi Shqipërinë me mirazhin e 1.15 miliardë eurove, një tabor mbështetësish të Edi Ramës po i bien më fort se kurrë daulleve të propagandës. Ashtu sikurse ndodh në regjimet më totalitare në histori, ku thuhet se luftën e fitoi Stalini, pallatet i ndërtoi Çaushesku, digat e hidocentraleve i ngriti Enveri, e gjitha po tenton të shitet si një meritë personale e njeriut të vetëm që simbolizon mbarë kombin.

Natyrisht, në raste të tilla edhe politikanë të tjerë, që i lënë një vend shumë më të vogël në aktivitetin e vet propagandës, reken t’i përdorin në favor të tyre ngjarje të tilla. Por në Shqipëri, ajo që ndodhi në Bruksel, po shndërrohet në karikaturë duke mbytur çdo lloj debati tjetër.

Sot, ne nuk dimë ende se sa nga ato para të premtuara janë doancione dhe sa kredi, madje edhe antarët e kabinetit qeveritar japin shifra të ndryshme. Sot, ne nuk dimë se sa aftësi ka Shqipëria për t’i thithur ato para në mënyrë që borxhi të mos shkojë kacafiu. Sot ne nuk dimë se sa e zonja është administrata jonë për t’i përvetësuar ato grante. Sot quhet herezi të përmendësh se eksperienca botërore tregon se vetëm gjysma e parave të premtuara mbërrijnë në destinacion.

Debatit racional dhe të ftohtë i janë mbivendosur klithmat me hosanna për liderin global. Në vend që të diskutohet se çfarë u arrit realisht në Bruksel, këtu çirren se si ishte përbetuar Rama se do t’i nxirrte paratë nga fundi i dheut; në vend që të kthjellohen shifrat, këtu i qahet halli liderit që ishte zgjuar i vetmuar natën e 26 nëntorit; në vend që të flitet se sa para është e mundur të mbërijnë në destinacion, këtu evokohet kalvari i Ramës, që duhet t’i gjente budallenjve dhe gratë e humbura pas tërmetit; në vend që të parashikohet se kur futen njerëzit në shtëpitë e reja; këtu glorifikohet roli i aktorit – lypsar për t’i  marrë para arabëve.

LEXO EDHE:  Kastriot Myftaraj: Edi Rama tallet me oficerin e Policisë të vrarë në Lazarat duke i bërë funeral pervers mbi qilim të kuq

LEXO EDHE:  Kumanove, perleshje ne BDI, vritet kandidati Xhemail Rexhepi

E gjitha kjo përpjekje që demonstron në mënyrë të neveritshme fytyrën autokratike të regjimit të Rilindjes i është mbivendosur si një tavan i xhamtë pyetjeve të zakonshme që do të ishin shuar në një vend normal: Sa zgjat koha nga premtimet e deri tek disbursimi i parave dhuratë? Deri në ç’masë duhet pranuar kostoja e kredive të buta? Pas këyre eurove që janë thithur, ç’duhet bërë me borxhin e fshehtë të koncesioneve dhe PPP-ve? A duhet të ridalë sërish qeveria në treg të hapur për eurobondin dhe deri në ç’masë duhet të kërkojë kredi të reja?

Në pikun e masturbimit verbal të dishepujve të Ramës, të ngresh pyetje të zakonshme quhet gati armiqësore. Duke glorifikuar autokratin në pushtet, ata po pengojnë një bilanc real të asaj që ndodhi vërtet në Bruksel.

Në këtë rast ata po sillen njësoj si dy vite më parë kur spërkateshin me shampanjë për hapjen e negociatave që nuk ndodhi kurrë. Ata janë i njëjti tabor që na kanë vizatuar Shqipërinë e pastruar nga hashashi i ç’rrënjosur nga policia e Saimir Tahirit, dhe po të zakonshmit që e komentonin si fitore ekselente rezultatin e Rilindjes në votimet e 30 qershorit.

Pikërisht fakti se ata janë hedhur sërish, si me buton, në skenë është një indicie që duhet të dyshojmë për atë që ngjau realisht në fillim të javës.

Le ti lëmë një moment t’i bien daulleve, le të durojmë edhe ca ditë hosanatë për padronin e tyre dhe vetëm pastaj, kur daullexhinjtë të lodhen, kur ahengu të pushojë, le të ulemi të qetë dhe të analizojmë fitoren 1.15 miliardshe të Edi Ramës. Për të kuptuar të vertetën reale të asaj që morëm dhe nuk morëm nga konferenca e kreditorëve, duke e zhveshur atë nga refleksi atavik për të glorifikuar tiranët.

LEXO TE PLOTE