Connect with Us

Fatos Klosi: Vuçiç do shkarkohej nga detyra nëse nuk bënte deklaratën provokative

Politikë

Fatos Klosi: Vuçiç do shkarkohej nga detyra nëse nuk bënte deklaratën provokative

Publikuar

-

Ish-kreu i Shërbimit Informativ Shtetëror, Fatos Klosi, ka komentuar vizitën e parë të një kryeministri serb në Tiranë, duke u ndalur kryesisht te konferenca për shtyp e dy kryeministrave dhe te mesazhet e artikuluara. Sa i takon deklaratës “Kosova është Serbi”, Klosi tha se Vuçiç foli me gojën e Nikoliç dhe të udhëheqësve politikë të Beogradit për çështjen e Kosovës. Klosi tha se kjo deklaratë ishte formale, duke shtuar se Vuçiç është detyruar të thotë një gjë të tillë, pasi në të kundërt do ta priste shkarkimi. “Vuçiç foli me gjuhën e Nikoliç, pasi në të kundërt, do t’i vërsulej opinioni publik serb.

Vuçiç ishte i detyruar të bënte një deklaratë të tillë për Kosovën. Ajo ishte një deklaratë formale”, u shpreh Klosi. Ish-kreu i SHISH tha se askush nuk duhet të presë, që një kryeministër serb të thotë se “Kosova nuk është Serbi”. “Nuk duhet të presë asnjëri që Vuçiç apo ndonjë kryeministër tjetër serb që do të vinte, të thoshte të kundërtën, që Kosova nuk është Serbi. Edhe takimet që bëhen, del shumë qartë se tashmë Kosova është etni më vete. Shumë pozitive ishte edhe deklarata e kryeministrit të Kosovës, i cili tha se duhet të fokusohemi te çështjet e zhvillimit ekonomik”, theksoi Klosi.

Ai nënvizoi se tashmë liderët e rajonit kanë vendosur të lënë pas problemet dhe konfliktet e së kaluarës dhe të fokusohen te ato çështje që janë parësore për to. “Edhe nga konferenca e kryeministrave të rajonit u duk qartë se, liderët e rajonit do të fokusohen tashmë te ato çështje që kanë të bëjnë me procesin e integrimit dhe te zhvillimi ekonomik. Pra, këtu kuptohet qartë që deklarata e Vuçiç ishte thjesht formale për Kosovën. Vuçiç, ashtu si edhe Rama, janë të interesuar për integrimin e dy vendeve dhe vendosjen e marrëdhënieve të mira të reciprocitetit, sidomos në fushën ekonomike”, u shpreh Klosi.

LEXO EDHE:  Trondit Ngjela/ Rama nuk është figura më e fortë në PS, është dikush tjetër

Klosi për takimin Rama-Vuçiç   Ish-kreu i SHISH, Fatos Klosi, ka vlerësuar me nota pozitive takimin mes kryeministrit Edi Rama dhe kryeministrit të Serbisë, Aleksander Vuçiç. Ai theksoi se ky takim ishte tepër normal, ndryshe nga ai në Serbi mes dy kryeministrave, ndërsa meritën për normalizimin e marrëdhënieve me Serbinë, Klosi ia atribuoi vetë Ramës. “Ishte një takim normal. Ishte një vizitë për të përmirësuar atmosferën që u krijua në Beograd. Ky takim ishte një hap tepër pozitiv.

Rama mori iniciativën për të ftuar në Tiranë kryeministrin Vuçiç për të normalizuar marrëdhëniet tensionuese me Serbinë pas ngjarjes në Beograd”, u shpreh Klosi. Ish-kreu i SHISH duke komentuar takimin e kryeministrave të rajonit, theksoi se të gjithë ishin në unison për të harruar konfliktet mes vendeve fqinje. “Lidhur me takimin e fundit të kryeministrave të rajonit, ishte mesazh për Bashkimin Europian, që të kthejë sytë nga vendet e Ballkanit”, u shpreh Klosi. Ish-kreu i SHISH vuri në dukje se liderët e rinj të rajonit janë më të moderuar se paraardhësit e tyre, pasi një konflikt mes fqinjëve, do t’i çonte vendet hapa mbrapa në histori.  nuk#sthash.ZPsCptSY.dpuf

KLIKO PER TE KOMENTUAR

Komentoni

Your email address will not be published. Required fields are marked *

Politikë

Marsida Xhaferllari në Gjykatën Kushtetuese/ Meta zbulon kur e firmosi dekretin

Publikuar

-

Nga

Reagimet e forta lidhur me dekretimin e Marsida Xhaferllarit për të qenë anëtare e Gjykatës Kushtetuese e ka detyruar presidentin Ilir Meta të dalë në një konferencë shtypi, nga selia e presidencës.

Në nisje të saj Presidenti ka pohuar qëllimin e daljes para mediave, duke theksuar se do të jap argumentat e veta që kanë inicuar firmosjen e dekretit emërues të Marsida Xhaferllarit, një kandidaturë kjo e kontestuar dhe që ishte listuar e treta në numrin e kandidaturave pretendente për Gjykatën Kushtetuese. Po ashtu Presidenti ka zbuluar se firmosjen e dekretit emërues të Xhafellarit e ka kryer sapo ka mbritur në Shqipëri nga Franca, ku pati një vizitë pune.

LEXO EDHE:  AK: Të publikohen tabulatet telefonike të 140 deputetëve

LEXO EDHE:  'Do mbani përgjegjësi', Olta Gixhari shpërthen e indinjuar

“Firmosa dekretin për Xhafellarin sapo u ktheva nga Parisi. Nuk desha të humbisja më tepër kohë”, është shprehur Meta./CNA.al

LEXO TE PLOTE

Politikë

Shembja e banesave në Astir/ Kryemadhi: Dhunë kriminale, përgjegjësit do të dalin para drejtësisë

Publikuar

-

Nga

Kryetarja e LSI-së Monika Kryemadhi ka reaguar pas shembjes së banesave tek zona e Astirit nga IKMT.

Përmes një postimi në rrjetet sociale , Kryemadhi është shprehur se “dhuna dhe terrori i ushtruar ndaj banorëve nga falangat e krimit do të paguhet një ditë” dhe se përgjegjësit do të dalin para drejtësisë.

“Jam në mbështetje të plotë të banorëve të Unazës së Re. Dhuna dhe terrori i ushtruar nga Edi Rama dhe falangat e tij të krimit, që kanë kapur Policinë e Shtetit dhe të gjitha instrumentet shtetërorë, nuk është tjetër gjë përpos se instalimi përfundimtar i narko-shtetit dhe krimit të organizuar nën emrin e qeverisë shqiptare. Gazi lotsjellës, dhuna që përdori policia shqiptare ndaj grave dhe fëmijëve në orët e para të mëngjesit ndaj banorëve të Unazës së Re, jo vetëm që është kriminale por një ditë do të paguhet mirë do të dalin përpara drejtësisë të gjithë ata që kanë kryer krime ndaj njerëzimit”, tha Kryemadhi./CNA.al

LEXO TE PLOTE

Politikë

“Si e kam njohur…”/ Balla i nxjerr ‘bojën’ Nanos: U dëfryem me dy femra mes alkoolit, aty pash Muçin e dhunshëm që mëkatonte

Publikuar

-

Nga

Kohët e fundit analisti i njohur Mustafa Nano ka publikuar librin e titulluar “Si e kam njohur…”, referuar njerëzve influentë në jetën politike dhe kulturore në vend.

Mirëpo, ajo çfarë të bie në sy është parathënia e veçantë e këtij libri, e cila ndryshe nga të tjerat është një rrëfenjë interesante e gazetarit Sokol Balla për kohën se si dy figurat e njohura publike janë njohur.

I njohur për karakterin e tij provokativ, Sokol Balla ka goditur në shenjë edhe kësaj here, teksa rrëfen aventurën e shfernuar me Muç Nanon në vitin 1994, kur kanë shkuar në Budapest duke dëfryer në rrugën e “Dritave të Kuqe”.

“U dëfryem me dy femra mes alkoolit”, thotë Balla dhe aty “pash Muçin e dhunshëm që mëkatonte”.

“Natën e fundit, atëherë kur e kuptuam se kthimi ishte afër, të dy u cliruam nga gardhet e mosnjohjes, dhe ramë dakord t’I lëshoheshim qefit.

Hoteli ynë, nuk e di pse për ç’trill të rastit, ishte në rrugët e ndezura nga dritat, alkoli dhe mëkati në Buda, një nga pjesët e kryeqytetit, ku kishim katër ditë që kalonim dhe mezi mbanim qafën të mos kthehej instiktivisht drejt të bukurës së munguar prej dekadash në trurin tonë.

LEXO EDHE:  Dalja e Britanisë nga BE/ Vuçiç: Serbia do vazhdojë rrugën drejt integrimit në BE

LEXO EDHE:  Takimi i kancelares Merkel me presidentin serb Vuçiç/ Ja çfarë i thanë njeri tjetrit

Por atë natë të fundit, Muçi u dorëzua. Afër një klubi nate, nga ku jo thellë derës shquheshin dy femra u kthye dhe më tha: “Futemi”.

Kishte në zërin e Muçit një ton urdhërues, që imponohej nga mosha, por ndjeva edhe tingullin përgjërues të adoleshentit të përjetshëm Brenda tij, që thuajse lutej në formë pyetëse që mos ta lija vetëm në tundimin e tij mëkator dhe natyral.

Unë isha 20 vjec. Ai ishte 35. Orët, alkoli, kërcimi dhe gjithcka ndodhi atje Brenda nuk mund të tregohet.

Pashë aty Muçin tjetër, ndoshta të vërtetin, që përdorte dhunshëm dozat pafund të lirisë së ndrydhur prej dekadash në trurin e tij…”, shkruan Sokol Balla./CNA.al

LEXO TE PLOTE