Connect with Us

Intervista/ Marko Dajti: Koço Kokëdhima më ka vjedhur platformën për legalizimin e hashashit

Intervista

Intervista/ Marko Dajti: Koço Kokëdhima më ka vjedhur platformën për legalizimin e hashashit

Publikuar

-

Kryetari i Fronit të Majtë, Marko Dajti, gjatë një interviste për gazetën “SOT”, ka deklaruar se deputeti socialist Koço Kokëdhima i ka vjedhur programin dhe platformën për legalizimin e hashashit. Duke iu referuar fushatës së ethshme të Kokëdhimës për legalizimin e hashashit për përdorim mjekësor, kryekomunisti Dajti tha se do të ishte e ndershme sikur Kokëdhima të pranonte se legalizimi është një nga pikat e programit të Fronit të Majtë. Megjithatë, Dajti e ftoi deputetin socialist të bashkëpunonin për fushatën në fjalë. Kryetari i Fronit të Majtë e ka konsideruar një maskaradë ceremoninë e djeshme të qeverisë në Varrezat e Dëshmorëve, ndërsa ka dënuar urdhrin qeveritar për bllokimin e fotove të Enver Hoxhës në ceremoni. Marko Dajti ka sqaruar edhe arsyet e largimit nga koalicioni i PS, teksa ka shtuar se komunistët nuk mund të uleshin në një tavolinë me Nard Ndokën, Bamir Topin dhe Shpëtim Idrizin.
Ashtu si çdo vit, klasa politike e Tiranës ka përkujtuar e ndarë Dëshmorët e Atdheut. Policia dhe Garda e Republikës bllokon çdo portret të Enver Hoxhës dhe çdo simbol të Partisë Komuniste. Cili është komenti juaj?
Është një maskaradë e turpshme ajo që zhvillohet në Shqipëri në ditët e shënuara të 5 Majit dhe 29 Nëntorit. Njerëz që nuk i lidh asgjë me këto data të shënuara, shkojnë dhe vendosin lule me hipokrizi në monumentet e atyre që derdhën gjakun për liri dhe derdhën djersën për ndërtimin e veprave madhore, ndërsa bëjnë llogari se çfarë ka mbetur për t’u shitur te të huajt dhe për t’u plaçkitur nga banditët që e quajnë veten politikanë. Ndërsa ata që vërtet derdhën gjakun nuk mund të shpalosin lirisht simbolet me të cilat luftuan, nuk mund të manifestojnë as me foton e komandantit të përgjithshëm të Ushtrisë Nacionalçlirimtare ndërsa nderimin dhe dekoratat që meritojnë i marrin në ambasadën ruse.
Si e shpjegoni kompleksin e qeverisë për rolin e Enver Hoxhës gjatë luftës si dhe agresivitetin, ndoshta me nuanca false, të së djathtës?
Së pari, duhet thënë se ky është një kompleks i importuar nga Beogradi. Në ish-Jugosllavi po të përmendje emrin e Enver Hoxhës dënoheshe deri në 25 vjet burg. Dhe “ustallarët” e Serbisë e kanë mësuar edhe Saliun, edhe Edvinin, të mos përmendin Enver Hoxhën, njeriun që u vuri kufirin te thana dhe që ishte simbol i Shqipërisë së pavarur. Së dyti, ky kompleks ka lidhje me paaftësinë politike të klasës që sot është në pushtet, të cilët nuk mund të krahasohen në asnjë aspekt me Enver Hoxhën si politikan i përmasave ndërkombëtare. Së treti, ka të bëjë me karakterin. Ata që qeverisën në atë kohë mund të kishin shumë të meta, por kishin bërë luftën dhe ishin burra me plot kuptimin e fjalës, ndërsa këta të sotmit janë travestitë në krahasim me Enverin.
Në ceremoni i konstatuan ushtarakë serbë dhe rusë. Mendoni se pjesëmarrja e tyre ishte pjesë e protokollit?
Rusët duhet të jenë gjithmonë pjesë e këtij protokolli, pasi kanë merita të pamohueshme në çlirimin e gjysmës së Europës nga bisha naziste. Ndërsa serbët janë miqtë tanë të rinj që i ka sjellë aleanca e 1 Prillit në Shkodër.
Si i vlerësoni polemikat dhe akuzat e ditëve të fundit rreth debatit për rolin e politikës së Tiranës dhe Prishtinës në luftën e UÇK?
Politikanët e sotëm po bëhen qesharakë me përpjekjet e tyre për të hyrë me çdo kusht në histori. Faktikisht ata nuk kanë kurrfarë merite në këtë përpjekje titanike të kombit shqiptar, përveçse mund të kenë sabotuar. Lufta për Kosovën ka përfunduar me shpalljen e Pavarësisë, por ka filluar që në vitin 1913, ndërsa në formën e vet të strukturuar u realizua në vitet ’80 kur drejtoria e kundërzbulimit në Sigurimin e Shtetit, me porosi direkte të Enver Hoxhës, krijoi bërthamën e parë të UÇK-së. Ato ishin grupe të armatosura marksiste që propaganda e Beogradit i cilësonte “irredentistë shqiptarë”. Madje kjo luftë ka patur dëshmorët e vet, duke filluar nga Jusuf Gërvalla. Ndërsa për ngjarjet e vitit 1998, ne duhet t’u jemi përjetë mirënjohës Shteteve të Bashkuara, të cilat realizuan fushatën mbi Beograd që çoi në fitoren e Kosovës. Po të ishte për Rugovën, Berishën, Metën apo Klosin, edhe në Tiranë do të valonte flamuri i Serbisë jo më në Prishtinë. Ka shumë fakte që tregojnë për këtë, ndërsa i vetmi politikan që ka një kontribut real është Fatos Nano.
A jeni tërhequr nga beteja për rrëzimin e bustit të Ahmet Zogut?
Në të vërtetë, ai duhej rrëzuar që në prag të 7 Prillit, por Fronti i Majtë vendosi të shtyjë zbatimin e këtij vendimi, pasi jemi në prag të zgjedhjeve vendore. Këto janë sot më shumë zgjedhje politike se sa administrative dhe nuk dëshironim të nxisnim reagime radikale.
A do t’i bashkoheni fushatës së Koço Kokëdhimës për legalizimin e hashashit, të cilin me sa duket ju e keni në program?
Ne ftojmë Koço Kokëdhimën të bashkohet me fushatën tonë. Do të ishte e ndershme nga ana e tij të pranonte se kjo është një nga pikat e programit tonë që vite më parë dhe jo pjesë e programit radiofonik “Si të bëhesh milioner”. Kokëdhima ka vjedhur programin tonë. Legalizimi është një nga pikat e programit tonë, të cilën Kokëdhima e ka vjedhur.
Pse e braktisët koalicionin e shumicës në pushtet? A ju përjashtuan apo u larguar vetë? 
Ne nuk braktisëm koalicionin, por koalicioni braktisi të majtën. Nuk mund të ulemi në një tryezë me Nard Ndokën, Bamir Topin apo Shpëtim Idrizin. Ishin këta që qëndruan vite të tëra në sofrën e Sali Berishës dhe tani erdhën te Rama me “lugë në brez”. Nga ana tjetër, ne nuk mund të bashkohemi me teorinë se “të varfrit shkojnë në burg dhe kriminelët në parlament”. Nuk mund të mos konstatojmë se politika e Rilindjes u shndërrua në politikën e rrënimit.
A ka dorëzuar Fronti i Majtë një listë me kandidatë për kryetar bashkish dhe këshilltarësh në KQZ për zgjedhjet e 21 Qershorit dhe në cilat njësi vendore synoni të përfaqësoheni?
Po, ne kemi dorëzuar listat në Komisionin Qendror të Zgjedhjeve dhe do të garojmë në disa bashki për kryetar dhe këshilltarë. Në të vërtetë, kishim shumë më tepër kandidatë të gatshëm të garonin nën siglën e Frontit të Majtë, por disa janë tërhequr pas një fushate të pashembullt kërcënimesh, presioni dhe represioni të ushtruar nga njerëzit e pushtetshëm të Partisë Socialiste dhe Lëvizjes Socialiste për Integrim. Janë kërcënuar me jetë, janë kërcënuar me burg, janë ndëshkuar me gjoba dhe largime familjarësh nga vendet e punës. Madje edhe ata kandidatë që aktualisht janë në listë po përballen përditë me të tilla forma të ulëta që vetëm luftë politike nuk mund të quhen.
KLIKO PER TE KOMENTUAR

Komentoni

Your email address will not be published. Required fields are marked *

Intervista

“Europa po merr tatëpjetën”/ Aktori i njohur francez flet “pa doreza”, ç’mendon për Ramën

Publikuar

-

Nga

Aktori i njohur francez Gerard Depardieu prej disa ditësh ndodhet në Shqipëri. Gjatë qendrimit në vendin tonë, Depardieu u takua e me kryeministrin e Shqipërisë Edi Rama dhe Albin Kurtin, që pritet të formojë qeverinë e re në Kosovë.

Aktori është shprehur se i pëlqeu Rama por nuk folën për politikë.
Sipas tij është është një opsion shumë i mirë të kesh një shpirt artisti dhe të bësh politikë me këtë frymë.

Depardieu u shpreh se Europa po merr tatëpjetën, me Brexit dhe me gjithë situatën ku ndodhet tani, nuk është mirë.

“Kur zoti Macron nuk ishte pro hapjes së negociatave për Shqipërinë, kjo tregon sërish se Bashkimi Europian nuk është mirë aktualisht, por nëse ju jeni të fortë mund të unifikoheni në një bashkim ballkanik dhe unë shpresoj që kjo të ndodhë në vitet e ardhshme, ju mund të jeni më të fortë’, u shpreha aktori një intervistë për A2.

Intervista e plotë:

Mirëserdhët në Shqipëri dhe faleminderit për këtë bisedë. Besoj që e vizitoni vendin tonë për herë të parë…
Po është hera e parë që vij në Shqipëri. E njoh Shqipërinë që nga koha e luftës së Kosovës, kur shihja që shqiptarët kalonin malet plot me dëborë për të ardhur këtu, kur kishte luftë. Ishte koha e monstrës Milošević, e për këtë jemi këtu për filmin “Unë dhe Milošević”. Kemi këtu një Milošević, jo të vërtetë, një aktor me maskë.
Por, më pëlqeu shumë Shqipëria. Mua më pëlqen Ballkani, Shqipëria, Serbia. E di që Serbia kishte Milošević, por mua më pëlqen vendi, Ballkani, jo politika. Europa po merr tatëpjetën, me Brexit dhe me gjithë situatën ku ndodhet tani, nuk është mirë. Duhet të ketë një unifikim të Ballkanit.
Kur zoti Macron nuk ishte pro hapjes së negociatave për Shqipërinë, kjo tregon sërish se Bashkimi Europian nuk është mirë aktualisht, por nëse ju jeni të fortë mund të unifikoheni në një bashkim ballkanik dhe unë shpresoj që kjo të ndodhë në vitet e ardhshme, ju mund të jeni më të fortë.
Çfarë mund të na thoni për karakterin tuaj në filmin që po xhironi?
Ai është një avokat, por duhet të pyesni Arbenin se çfarë do të bëjë me këtë personazh. Sepse ai e ka jetuar luftën e Kosovës, dhe periudhën pas lufte. Ajo që nuk kuptoj unë në trekëndëshin Kosovë-Serbi-Shqipëri, edhe tani pas lufte, është se nuk mund ta lënë pas atë që ndodhi dhe të bashkohen, ndoshta edhe në një union ballkanik siç thashë më herët. Është njëlloj si historia e Nazizmit, e gjermanëve apo idetë diktatoriale sovjetike. Këto janë biseda diktatoriale, të dala nga moda. Janë njëlloj nazizmi, diktatura, apo njëlloj si konfliktet e besimeve fetare. Prandaj është mirë që të gjejmë filozofinë në besimin që kemi.
Meqenëse jemi duke folur për politikën, gjatë qëndrimit tuaj në Tiranë, jeni takuar me kryeministrin e Shqipërisë dhe atë të Kosovës. Për çfarë u fol në Kryeministrinë shqiptare?
Edi është politikan, por së pari ai është artist. Më pas ai u takua me politikën dhe e ndjeu veten shumë mirë. Është një opsion shumë i mirë të kesh një shpirt artisti dhe të bësh politikë me këtë frymë. Por, mua nuk më pëlqen politika. Më pëlqeu Edi, por me të nuk fola për politikë.
Unë kam takuar shumë personalitete politike, por nuk flas me ta për politikë. Erdha këtu, ata më ftuan për një darkë dhe unë shkova. Ata më folën për vendet e tyre, për historinë dhe për luftën që kishin kaluar. Ishin shumë të tronditur nga lufta, dhe në fakt të gjithë tronditen nga lufta. Por unë mendoj se pas lufte duhet të bëheni të fortë për të ndërtuar një union ballkanik. Shpresoj të jetë kështu.
Ju zgjodhët që të bëheshit rus, pak vite më parë. Ishte një zgjedhje për të qenë më i lirë?
Hollande më përzuri nga Franca, ndërsa Putin më mirëpriti. Me të bëra një bisedë interesante për politikën dhe sot ndihem i lirë të flas për gjithçka që dua. Putin është mjaft i zgjuar dhe unë ndihem I lirë.
Pra, kjo ka qenë një zgjedhje e juaja për të qenë më i lirë si qytetar?
Unë jetoj tani në Rusi, dhe ndihem sikur kam pasaportën e gjithë botës. Dhe unë e konsideroj veten si qytetar të të gjithë botës. Unë nuk i gjykoj politikat. Unë mund të them se nuk jam dakord me Erdogan, pasi mendoj se ai po bëhet një Kalif tjetër, kjo është shumë e vështirë, unë nuk arrij ta kuptoj, por s’kam çfarë t’i bëj politikës.
Por Turqia është diçka tjetër. E kam vizituar atë dhe kam gjetur një vend shumë të bukur. E kam studiuar historinë e Perandorisë Osmane, njëlloj si atë Romake. Por tani jemi në vitin 2020 dhe është koha që ne të përpiqemi ta kuptojmë njëri-tjetrin më mirë. Dhe kjo më pëlqeu te Edi, ashtu sikurse më pëlqen Aleksandri i Serbisë.
Ju keni braktisur shkollën në moshën 13-vjeçare dhe u larguat nga shtëpia për të shkuar në Paris kur ishit vetëm 16 vjeç. Një ditë në një sallë teatri ju vendosët të bëheshit aktor. Çfarë ndjesie ju ka shtyrë drejt aktrimit?
Jo, nuk doja, madje nuk kam ëndërruar asnjëherë të bëhem aktor. Doja vetëm të flisja e të dëgjohesha. Desha të mësoja se si të flisja. Duke lexuar dhe duke folur mund të dëgjohesha, mund të ngrija zërin. Dhe aty gjeta fjalët dhe ekuilibrin tim. por, nuk ëndërroja të bëhesha aktor.
Kishte shumë filma të bukur atëherë, shumë filma, regjisorë dhe aktorë të mirë atëherë, si kinemaja italiane me Marcello Mastroianni, Marco Ferreri, Mario Monicelli, Alberto Sordi, dhe shumë e shumë të tjerë, edhe Franca kishte shumë. Por tani filmat e mirë nuk ekzistojnë më. Përveç disa serialeve. Sot na ka mbytur teknologjia. Kjo gjëja këtu i ka vjedhur të rinjve trurin, dhe sot të rinjtë nuk dinë të lexojnë, të shkruajnë e të flasin. Nuk ka asgjë të keqe t’i përdorim kompjuterët, por nuk është mjaftueshëm.
Mendoj se një nga filmat më të mirë që keni realizuar është “Green Card”. Mendoj se pjesa ku ju luani piano është skena më e fuqishme që mund të realizojë një aktor. Në fillim nuk doni të luani në piano dhe unë si publik gjendem në një gjendje ankthi. Sapo personazhi, George, nis të luajë, pa diskutim shkakton të qeshura. Por, menjëherë pas kësaj George nis të luajë piano dhe të recitojë. Këtu nis përlotja. Në një skenë që zgjat më pak se 5 minuta publikun e ushqeni me 3 gjendje të ndryshme emocionale…
“Green Card” është vërtet një nga filmat specialë të Peter Ëeir, një regjisor australian që nuk i pëlqente shoqëria amerikane, madje as klasa e mesme e kësaj shoqërie. As unë nuk e dua shoqërinë amerikane. Janë gati të akuzojnë për çfarëdolloj gjëje, shumë aktorë kishin një jetë të shthurur, gratë pinin shumë. Janë një shoqëri pa histori.
Unë kam dashur gjithnjë të ndryshoj fundin e filmit “Konti i Monte Kristos”. Ju ka ndodhur të dëshironi një fund tjetër për ndonjë nga filmat ku luani?
Jo tamam ndryshimin e një filmi. Do të doja të kishte falje. Alexander Dumas e ka përshkruar Kontin e Monte Kristos shumë të nxirë, të veshur jo mirë, duke tymosur, një figurë e nxirë… gati për hakmarrje dhe hakmarrja është shumë e bukur për kinematografinë, por mënyra më e mirë për të jetuar është të falësh dhe të jetosh i qetë. Këtë do ndryshoja. Sa më shpejt të mbyllësh hesapet me hakmarrjen, është më mirë. Dashuria është zgjidhja. Pas hakmarrjes duhet të mbetet veç dashuria për të filluar një jetë të re.
Ju vetë besoni vetë në një Zot?
Jo, nuk besoj. Unë besoj se Zoti është brenda secilit prej nesh. Unë mendoj se filozofia e hebrenjve, unë bëhem zot i vetes, është e sakta. Kabhal thotë kështu. Unë mendoj se ka një fuqi, por nuk besoj në Zot.
A jeni penduar për ndonjë gjë në jetë?
Jo, edhe nëse jam penduar për ndonjë gjë ndonjëherë, unë nuk jam kthyer pas. Sepse nëse pendohesh atëherë t’i mbetesh në të shkuarën dhe unë nuk i jam kthyer asnjë pendese. Unë jam optimist. Kaq.
Keni pasur shumë të dashura, jeni martuar tre herë…
Jam martuar vetëm një herë zyrtarisht, por kam pasur tri marrëdhënie serioze.
Cila është gruaja juaj ideale?
Të gjitha femrat janë ideale.

LEXO TE PLOTE

Intervista

Agron Gjekmarkaj “shuplaka dhe ledhatime” Lulzim Bashës/ Tjetër thotë, e tjetër bën, por ka një bonus përballë Ramës

Publikuar

-

Nga

Pedagogu dhe analisti Agron Gjekmarkaj në një intervistë të tij ka komentuar edhe opozitën e Lulzim Bashës. Ai e shikon ate shpesh inkoherente, dhe nxjerr jo pak problematika dhe arsye që e kanë dëmtuar këtë opozitë, por thekson dhe gjerat që, sipas Gjekmarkajt, opozita i ka bërë mirë.

“Këtë opozitë e kanë demtuar shpesh inkoherencat! Mosperputhjet e fjalëve me aktet dhe ajo që mund te perkufizohet si arroganca e mosndryshimit! Ka patur përpjekje për të bërë ndryshime ndonjë prej të cilave personalisht e kam pare me simpati, por ende të pamjaftueshme! PD e ka jetike te krijoje hapësirë për figurat politike, të japë garanci për karrierat kur ato jane të pastra e të dobishme per vendin, të shohë perpara pa harruar çka qenë!

 

Opozita e Lulit shume zhurmë për asgjë?

Opozitën mund ta shajmë sa të duam , mund ti bejmë verejtje pa fund nëse e gjykojme atë nga e djathta apo te tjerë nga e majta! E përseris Qeveria është problemi! Ka 6 vjet që hame bukë e televizor, bukë e rrena, bukë e tallje, bukë e arrogance!

Le ti themi gjërat që Opozita ka bërë mirë ! Ligji i dekriminalizimit dhe e gjithë beteja për të, shndërrimi i reformës në drejtësi nga një traktat ideologjik në diçka të pranueshme, denoncimet të cilat e kanë bërë më të vetëdijshme shoqërine për çka ndodh në vend, qasja ndaj dosjeve te cilat kanë bërë pis zgjedhjet si ajo e Dibrës dhe Durrësit, por edhe vendimet e guximshme për të mos qenë fasadë!

Por kete opozite e kanë dëmtuar shpesh inkoherencat! Mospërputhjet e fjalëve me aktet dhe ajo që mund të përkufizohet si arroganca e mosndryshimit! Ka patur përpjekje për të bërë  ndryshime ndonjë prej të cilave personalisht e kam parë me simpati, por ende të pamjaftueshme! PD e ka jetike të krijojë hapesirë për figurat politike, të japë garanci për karrierat kur ato janë të pastra e të dobishme për vendin, të shohë përpara pa harruar

lulzim basha republika e re

çka qenë! Në PD ka munguar gjithmonë kulti i garës , ndoshta ngaqë Sali Berisha ishte një lider karizmatik i padiskutueshëm dhe me mbeshtetje, por ka munguar dhe sot ku e ku ke tepër! Kulti i garës në Shqiperi urrehet teksa tentohet gjithmone kulti i Individit!

Opozita e Bashës per mua gjate ketyre muajve ka qenë më e vertete dhe me aktive së asnjeherë tjeter! Ka sakrifikuar, ka lëshuar pushtet, çdo gjë që ka pasur! Kjo mund të shërbeje për purifikim dhe rindertim të PD së ! Një mënyrë për tu afruar me njerzit! Por trasmetorët nuk mund dhe nuk duhet të jenë pa domethënie! Ketu lind nevoja për figura politike me peshë dhe për elitën e vendit ! Opozita po lëviz dhe këtë e shoh me rëndesi! Nuk më duket bosh! Kjo levizje jep dobi për shoqerine e shpresoj edhe për politiken në teresi e PD në veçanti!

Banaliteti nuk prodhon gjenialitet! Vendit i duhen më të miret që të ketë normalitet! Dhe e fundit per këtë pyetje , kushtet gjermane për qeverinë tonë e çertifikuan krizën, e quajten të rënde, kërkuan që ajo të zgjidhet, I kerkuan të dënojë hajdutet e zgjedhjeve, vuri në diskutim legjitimitetin e zgjedhjeve lokale, kthimin e gjykatave, gjithësa ka ndodhur edhe falë përpjekjeve të opozitës

PD e lodhur apo pa ide?

PD në optikën time ka nevoje për një detante të madhe si fillim nëse pretendon pushtetin! Ajo duhet të nxitet dhe me i interesuari që ta kërkojë do duhej të ishte Basha! Një detante që i ben bashkë të gjithe faktorët historikë dhe intelektualë, cdo njeri që ka mbeshtetje, 10 , 100 apo 1 mije vota e më tepër! Votat e djathta ekzistojnë po duhet një farë pune per ti kompaktesuar mbi të gjitha vullnet! Natyrisht idetë janë themelore, po duhen përcaktuar ato prioritare e mbi te gjitha koherenca !! Pastaj idetë duan shpatullat që ti mbajne!

LEXO EDHE:  Partia Demokratike sytë nga Koço dhe Rexhepi

LEXO EDHE:  Rama çmendet në "Dritare"/ Bërtet dhe kërcënon me burg gazetarët

Basha ka bere disa propozime me interes për ndryshimin e sistemit, por ai së pari nëse do të behet i besueshëm

Lulzim Basha, Monika Kryemadhi dhe Sali Berisha

duhet të kerkoje publikisht, nepermjet reformes zgjedhore, që të marrë fund emërimi i deputeteve në lista! Preferencat duhet ti caktojë elektorati jo Kryetari i partisë! Keshtu një parti behët më atraktive pse jo edhe më demokratike! Kesisoj puftet humbasin rrol perballë atyre që kanë nje cv dhe një perballje me opinionin publik! PD nuk më duket e lodhur po as shumë e freesket jo!  Nuk është pa ide, por ende ska precizuar gjithë  ato baziket ! Ajo për rrogat psh me duket shume e mirë! Qytetarët te xhepi janë të ndjeshëm dhe meritojne më shumë! Tani opozita nuk ka shumë kohë qofte nëse kemi zgjedhje të kohshme e aq me tepër nëse i kemi të parakohshme! I duhet revolucion i  brendshëm dhe shpejte! Populli po pret opoziten më 30 qershor ja dergoi asaj këtë mesazh.

Çfarë i mungon Bashës?

Basha ka cenet dhe virtytet që zoterojne shumica e shqiptarve! Ka nje bonus të madh përballë kryeministrit ka mbajtur larg botën e krimit! Nuk duket arrogant dhe shfaq aftësi komunikative normale pa pretenduar që është mesianik së paku në dukje! Për mua i mungon kurajo për tu rrethuar me personalitete të forta një handikap që duhet ta superojë! Nuk mjafton të thuash njerzit e mi nuk kanë lidhje me krimin, sepse edhe mediokriteti është një sëmundje e rrezikshme!

Ka marrë vendime të forta si askush tjeter ndaj duhet të tregohet i fortë  per tu shtrire dorën te gjithve , edhe atyre qe i konsideron kundërshtar me kushtin që këta ta duan bashkim pajtimin për të kompaktësuar të vetet, militancën, pastaj dorën ta qesë përtej gardhit dhe të kërkojë personalitetet që mund ti japin nje dore ketij vendi!

Basha duhet ta kuptoje se njerzit kanë alergji nga partite ndaj ai PD duhet ta ofrojë si laborator ku shoqëria të realizoje qëllimet e veta! Ai duhët te jetë garanti! Shoqëria nuk ka nxitim për të bërë Bashën Kryeminister ajo ka nxitim për të përmirësuar jetën e vet si dhe standartet! Basha ketë duhet ta lexojë mirë e me vëmendje! Shoqëria po e vrojton dhe teston atë ndërkohë që pret që ai ta kapë këtë vështrim! Deri tani i ka munguar aftesia të bëjë koncensione! Shpresoj ta gjejë këtë aftësi jetike si brenda ne PD si jashte saj! Në çdo rast unë besoj që rrotacioni është i dobishëm për aq kohë sa pushtetet nuk marrin fytyrën e njeri-tjetrit! Për fat të keq kjo kohë është e shkurtër në Shqipëri./CNA.al

LEXO TE PLOTE

Intervista

Agron Gjekmarkaj tregon dy ministrat e suksesshëm dhe një të ndershëm të Ramës

Publikuar

-

Nga

Në një intervistë për City News Albania

CNA | City News Albania

City News Albania

CNA

, pedagogu dhe analisti Agron Gjekmarkaj, tregon edhe dy ministrat e suksesshëm dhe një të ndershëm të qeverisjes Rama në 6 vite.

Sipas Gjekmarkajt, “ gjykimin tim modest për qeverinë e dhashë në totalitet! Megjithatë ka ende për të thenë!

Nese flasim për të shkuarën Ditmir Bushati si performancë dhe nivel inteligjence nuk e turpëronte vendin e vet! Sot duke pranuar që padija nuk është argument, sepse nuk e di sakt sesi Olta Xhaçka e administron Ministrinë e Mbrojtjes por meqenëse jemi vend i NATO-s në raport me partnerët ligjerimi i saj me duket korrekt! Pra në aspektin ndërkombetar nuk më duket se gjuan me shpulla imazhin e vendit! Nëse për një çast do të harroja gazin e hedhur bujarisht mbi popullin opozitar, shndërrrimin në socialist të thekur në një kohe rekord, gjuhën patetike e plot urrejtje të ministrit te brendshëm , deshirën që të flasë e të shkruaj si Elisa si kulm suksesi, pa vënë dorën në zjarr ende dua të besoj se Ministri i Brendshëm Sander Lleshi nuk është hajdut!! Pastaj nëse citoj titullin e nje filmi të Beninit me Troizin , non ci resta che’ piangere , ( nuk na mbetet veç te qajmë) me oi kët medet qeveri !

INTERVISTA/ Agron Gjekmarkaj analizon qeverinë: Nën mediokër, klluonë që nuk bëjnë më me qesh

LEXO TE PLOTE
Lajme të Rekomanduara: