LEXO PA REKLAMA!

SHKARKO APP

Ç’fshihet pas sulmeve/A e ka Blushi vetëm me Rilindjen?

5 Maj 2015, 17:09, Aktualitet CNA

Më shtimin e shkrimeve dhe intervistave të fundit të Blushit, sidomos pas ?Funeralit të Rilindjes? është krijuar ideja e gabuar se deputeti i PS-së po sulmon sivëllain e tij armik, Edi Ramën dhe klanin e rilindësve rreth tij. Natyrisht ata nuk i kanë shpëtuar asnjërit prej fshikullimeve të Blushit, por sa më shumë ai flet, aq më shumë kuptohet se Rama dhe Rilindja po sulmohen si pjesë e së tërës. Pra si politikanë që janë krejtësisht të ngjashëm me pararadhësit e tyre. Dhe në qëndrimet e tij të fundit Blushi po kërkon të bëhet zëri i asaj mase gjithnjë në rritje njerëzish, që duan ti dënojnë në bllok politikanët aktualë. Në shkrimin e tij të fundit (Rubrika IDE Lapsi.al) ka një frazë domethënëse. ?Shumë njerëz më thonë se unë vetë jam pjesë e kësaj klase që nuk ka marrë vendimet e duhura, nuk ka bërë reformat e pritshme dhe prandaj nuk duhet të flas. I mirëkuptoj të gjithë dhe habitem se si kanë kaq pak paragjykime për mua dhe gjithë shokët e klasës sime politike. Nëse do e kishin në dorë, jam i bindur që do na kishin hedhur të gjithëve në det?. Idenë se njerëzit po të kishin mundësi do ta zhduknin këtë klasë politike Blushi e hodhi edhe pak ditë më parë në parlament, kur ai iu drejtua kolegëve të tij në sallë se mund të vinte një ditë dhe njerëzit mund ti?a behnin për ti nxjerrë jashtë që aty.

Pra më shumë sesa sulmet ndaj Ramës, më shumë se interesi i vogël për të krijuar simpati tek të zhgënjyerit nga qeverisja e tij: strategjia e Blushit duket më largpamëse: Ai po kërkon të bëhet zëdhënësi i atij elektorati që e gjen veten të tradhtuar nga politikanët e të gjitha krahëve.

Jo më kot ai bëri një replikë në parlament me të gjithë kritikët brenda familjes së tij politike që e akuzonin se po bënte lojën e Berishës. Ai e përbuzi me forcë mënyrën e qeverisjes së ish kryeministrit duke lëshuar alarmin se edhe Rama po qeveris me inercinë e paraardhësit. Pra duket qartë se Blushi po i sulmon i barazlarguar edhe PD-në edhe PS-në. Ai po synon të bëhet zëri i të papërfaqësuarve. Kjo nuk ka asnjë dyshim. E vetmja pikëpyetje është nëse këtë fluks njerëzish që kërkon të përfaqësojë, ai kërkon ta integrojë në partinë e vjetër, apo drejt një force të re politike??? (Lapsi.al)

11:00 Aktualitet

Kim sensuale në NY

 Padyshim që superbomba Kim Kardashian duket sharmante dhe m...

Lajmet e fundit nga