Connect with Us

Përvjetori i shpërthimit të Çernobilit

Bota

Përvjetori i shpërthimit të Çernobilit

Publikuar

-

Qindra njerëz  në Ukrainë shënuan 29 vjetorin e incidentit më të rëndë bërthamor në botë, atë në centralin e Çernobilit. Shpërthimi në Çernobil me 26 prill të vitit 1986 shkaktoi 30 të vrarë. Mijëra ukrainas mbetën me aftësi të kufizuara të përhershme nga fatkeqësia. Qindra e mijëra të tjerëve iu desh të braktisin shtepitë e tyre sepse shpërthimi çliroi gaze të rrezikshme radioaktive.

Qindra njerëz u mblodhën në një ceremoni përkujtimore për viktimat e katastrofës së Çernobilit, duke shënuar kështu 29 vjetorin e aksidentit bërthamor më të rëndë në botë. Valentina Gondareva, është banore e qytetit Slavutych e zhvendosur këtu nga rrethinat pranë Çernobilit.

“Nxehtësia ishte e madhe dhe të gjithë ne kishim djegie, njolla dhe lëkura na kruhej. Pastaj na larguan nga qyteti dhe pritëm rradhën për autobusin që do të na çonte në një fshat. Më vonë e kuptuam se largimi ishte përgjithmonë.”

Një ceremoni fetare u mbajt në Slavutych, ku njerëzit vunë lule dhe qirinj. Slavutych, që ndodhet 60 kilometra nga centrali bërthamor i Çernobilit, është qyteti më i afërt i banueshëm pranë zonës së ndotur nga radioaktiviteti.  Është një qytet i ndërtuar qëllimisht për të strehuar njerëzit që u detyruan të braktisin shtepitë e tyre nga katastrofa. Përsëri Valentina Gondareva:

LEXO EDHE:  29 vjet pas katasfrofës / Jeta vazhdon në Çernobil

“Ky qytet është i mirë dhe jemi përshtatur ndaj gjithçkaje. Jemi këtu që nga viti 1988, por po na thanë se do të jetë e mundëshme të kthehemi nga kemi ardhur, ne do ta bënim këtë menjëherë.”

Shumë banorë aty kanë të afërm apo miq që ose u vranë nga zjarri që përpiu centralin pas shpërthimit, ose që kanë vdekur më pas nga sëmundjet e rrezatimit me gaz radioaktiv.

Shpërthimi në Çernobil me 26 prill 1986 shkaktoi menjëherë më shumë se 30 të vdekur dhe si rezultat i niveleve të larta të gazeve radioaktive në perimetrin prej 32 kilometrash, 135 njerëz u desh të evakuohen.

Shpërthimi çliroi një re vdekjeprurëse radioaktive e cila ndoti një zonë prej 150 kilometrash kateror në Ukrainë dhe Bjellorusinë fqinje.

Sipas të dhënave nga qeveria e Ukrainës, më shumë se 4 mijë njerëz që morën pjesë në përpjekjet sovjetike të nxituara dhe organizuara keq për pastrimin e vendin kanë vdekur. Por të dhënat e vërteta besohet se tregojnë për fatalitete më të larta.

Më shumë se 70 mijë ukrainas u bënë me aftësi të kufizuara nga katastrofa./voa

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Tërmeti “shkund” Greqinë/ Ja sa ballë ishte

Publikuar

-

Nga

Një tërmet me magnitudë 4.8 ballë, i shkallës Rihter ka goditur Greqinë, rreth orës 18:02, të pasditës së sotme.

Lëkundjet janë regjistruar në ishullin e Kretës, ndërsa thellësia e lëkundundjeve ka qenë13 km.

Kujtojmë se  Kreta u godit nga një tërmet i fuqishëm me magnitudë 6.1, një ditë pas tërmetit të 26 nëntorit në Shqipëri.

Nuk ka informacione për dëme në njerëz apo materiale./CNA.al

 

LEXO TE PLOTE

Bota

Koronavirusi mbetet rrezik global

Publikuar

-

Nga

Infeksionet me virusin e Koronës në BE janë të pakta. Epidemia në Kinë mund të kthehet megjithatë në epidemi botërore, tha Ministri i Shëndetësisë Jens Spahn në një intervistë me DW.

    

Në Bruksel, ministrat e shëndetësisë të BE diskutuan  në një takim krize kufizimin e përhapjes së virusit të ri të Koronës. Nuk u vendos asnjë masë specifike, por u ra dakord për një shkëmbim intensiv të informacionit. Ministrat ishin të shqetësuar për telashet e mundshme në furnizimin me medikamente dhe veshje mbrojtëse, të prodhuara në Kinë. Pas takimit, Bernd Riegert foli me Ministrin Federal të Shëndetësisë Jens Spahn (CDU).

Deutsche Welle: Cilat masa shtesë duhet të ndërmarrin Evropa dhe Gjermania për të parandaluar që virusi i Koronës të çojë në një epidemi globale?

Jens Spahn: Para së gjithash, kemi nevojë për një qasje të koordinuar në Evropë dhe ndërkombëtarisht. Kjo është arsyeja pse po përpiqemi shumë të koordinojmë punën në nivel evropian, siç është rasti sot në Këshillin e Ministrave. Në nivelin e G7 (kombet më të rëndësishme të industrializuara në botë) folëm në telefon. Është e rëndësishme që ne të përgatisim veten në mënyrë që të parandalojmë që virusi të arrijë në rajone të tjera, përveç Kinës dhe t’i prekë ato aq sa Kinën. Për momentin kjo është ende një epidemi rajonale në Kinë. Ne duhet të sigurohemi që nuk do të kthehet në një epidemi globale. Nëse kjo ndodh, duhet të jemi të përgatitur për të gjetur terapi të reja dhe një vaksinë. Duhet të krahasojmë vazhdimisht ato që dimë për virusin. Ka njohuri të reja çdo javë. Sa ngjitës është? Sa serioze janë sëmundjet? Duhet të fitojmë kohë për të ditur më shumë.

A do t’i kufizoni udhëtimet për dhe nga Kina, siç kanë bërë SHBA?

Në Gjermani, ne i udhëzuam pilotët të raportonin nëse në bord ka pasagjerë me simptoma, para uljes së avionit. Pasagjerët duhet të tregojnë se ku dhe si mund të kontaktohen në 30 ditët e ardhshme. Mund të na duhet të prezantojmë rregulla të reja për të kuptuar, se cilët pasagjerë kanë qenë në kontakt me njerëz nga Wuhani. Ne e diskutuam këtë në këtë Këshill të Ministrave. Ajo që nuk na nevojitet është matja e temperaturës te pasagjerët. Ne e dimë që kjo nuk do të ndihmojë për shkak të periudhës së inkubacionit dhe infeksioneve pa simptoma.

LEXO EDHE:  Pema e Vitit të Ri rikthehet në qytetin fantazmë të Çernobilit

LEXO EDHE:  29 vjet pas katasfrofës / Jeta vazhdon në Çernobil

Kur do të mbarojë më e keqja?

Kjo është një pyetje e mirë. Sikur ta dija! Problemi ynë është se nuk dimë sa duhet rreth virusit. Kjo është arsyeja pse duhet të marrim kaq shumë masa paraprake për t’u përgatitur – për aq kohë sa nuk e dimë se çfarë bën vërtet virusi dhe sa dëm. Deri tani, zbulimi dhe përmbajtja e virusit ka funksionuar në Evropë. Ne jemi në gjendje të thyejmë zinxhirët e infeksionit. Por duhet të pranojmë që kjo vlen për sot. Mund të ndodhë që gjendja të bëhet më e keqe, përpara se të përmirësohet. Për aq kohë sa virusi nuk është nën kontroll në Kinë, epidemia rajonale ende mund të kthehet në epidemi globale./ DW

LEXO TE PLOTE

Kosova & Rajoni

Kosova dhe Serbia nënshkruajnë marrëveshjen për hekurudhat

Publikuar

-

Nga

Nënshkruhet marrëveshja mes Kosovës dhe Serbisë për hapjen e rrugëve që janë pjesë e korridoreve hekurudhore e rrugor që lidhin kryeqytetet e Ballkanit Perëndimor me njëri tjetrin dhe më pas me Evropën.

Letra e shprehjes së interesit për autostrada dhe Letra e shprehjes së interesit për hekurudha me të cilat Kosova dhe Serbia shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në pritet të nënshkruhen paraditen e sotme, para fillimit të Konferencës së Sigurisë në Munih.

Presidenti i Kosovës, Thaçi i tha Deutsche Welles se takimi i mbajtur mbrëmë me ambasadorin Grennell ishte shumë konstruktiv dhe i frytshëm. Thaçi dhe Grenelle, si dhe më parë Vuçiç dhe Grenell, në takime të ndara, kanë rënë dakord që kjo marrëveshje të nënshkruhet. Por Thaçi tha se me ambasadorin Grennell është biseduar edhe për arritjen e një marrëveshje finale me Serbinë, e cila do t’i sillte Kosovës anëtarësimin në Organizaten e Kombeve të Bashkuara dhe njohjen reciproke.”/CNA.al

LEXO TE PLOTE