Connect with Us

Një gazetar turk tregon 40 ditët e ferrit mes xhihadistëve

Aktualitet

Një gazetar turk tregon 40 ditët e ferrit mes xhihadistëve

Publikuar

-

Një vit më parë, gazetari turk Bunyamin Aygun mendoi se jetës së tij i erdhi fundi, kur u mor peng nga grupi xhihadist i Shtetit Islamik (ISIS), duke qënë se këta të fundit lajmëruan ekzekutimin e tij.

Por, tani gazetari turk është lënë i lirë si pasojë e një mrekullie dhe rrëfen eksperiencën e tij të hidhur.

Ai për këtë çështje ka botuar dhe një libër me titullin “Dyzet ditë në duart e xhihadistëve”, ku përshkruan qartazi jetën e tij të përditshme si i burgosur, marrëdhënien e tij me rrëmbyesit, ndërkohë që një vëmëndje të veçantë në libër ai i kushton presionit të paparë psikologjik që grupi i Shtetit Islamik u bënte luftëtarëve të tyre për t’i pasur ata nën kontroll.

” Nëse nuk do ta kisha shkruar këtë libër, do të ndihesha si një tradhëtar ndaj kolegëve të mi”, bën me dije gazetari Aygun në një interviste për shtyp, nga selia e gazetës ”Milliyet” për të cilën ai punon duke iu referuar gazetarëve të tjerë të marrë peng nga xhihadistët, të cilët më pas janë ekzekutuar.

”Këto 40 ditë më janë dukur si 40 vjet”, shtoi ai.

Ai ka marrë disa çmime për shkak se ishte gazetari i parë që kaloi kufirin sirian dhe arriti të raportojë luftën civile që po shkatërron këtë vend që prej katër vitesh.

Më 25 nëntor të vitit 2013, misioni i tij u shndërrua në një mankth të vërtetë.

Sikur të mos mjaftonin vështirësitë që ai kaloi së bashku me shefin e Ushtrisë së Lirë siriane për t’iu bashkuar një njësie rebele në qytetin e Salkinit, makina me të cilën ata po udhëtonin u ndalua nga tetë luftëtarë xhihadistë.

Emri i tij dukej si emër hebre dhe prandaj rrëmbyesit patën dyshime prandaj e akuzuan si një spiun me pagesë.

”Ne nuk arritëm të shihnim asgjë, ishim me sy të lidhur, por më kujtohet që ata na bënin vazhdimisht pyetje, nëse pinim apo jo alkol, për kë punonim, kërkonin emra, ne madje u detyruam të faleshim edhe pesë herë në ditë, gjë të cilën nuk e di si arritëm ta bënim”, shtoi gazetari turk.

Bunyamin Aygun tregon se ritualin e faljes e mësoi shumë shpejt nga shoku i tij i qelisë.

”Ata që nuk faleshin, torturoheshin”, theksoi ai.

– Të presësh nga momenti në moment mënyrën sesi do të ekzekutohesh, kjo ishte tortura më e tmerrshme –

LEXO EDHE:  Ironia therëse e gazetarit/ Lolo nuk janë ata që vjedhin

Një ditë, një nga rojet e qelisë të cilin gazetari e kishte simpatizuar, i cili kishte nofkën ” Dayi” (xhaxhai) e njoftoi se ai ishte i dënuar me vdekje.

“Ngrihu, falu për veten dhe pendohu për të gjitha mëkatet që ke bërë, nesër ti do të ekzekutohesh”, më tha ai.

”M’u errësuan sytë, filloi të më shfaqej gjithe jeta para syve, sa herë mbyllja sytë imagjinoja vdekjen, isha duke pritur vdekjen time kjo ishte tortura më e keqe”, kujton ai duke iu dridhur zëri.

Ai mendonte se më mirë për të do të ishte të vdiste nga një plumb, sesa nga një prerje e kokës me shpatë.

Priti për tre ditë me rradhë, por asgjë.

Derisa një tjetër roje i qelisë i kishte treguar trupin e vdekur të “Dayi-së” që kishte vdekur në detyrë, duke i thënë se dhe ai të njëjtin fat do të kishte.

Por, gazetari turk mbeti dhe disa ditë të tjera vetëm në qeli, aq sa po habitej dhe po mendonte nëse ata do ta linin të vdiste urie apo do ta ekzekutonin ashtu siç e kishin paralajmëruar.

Pas 40 ditëve burg, ai u lirua më në fund nga një grup rival i xhihadistëve.

Ai më vonë arriti të mësojë se grupi i Shtetit Islamik ishte tërhequr nga qyteti në të cilin ai mbahej peng dhe se ishin shërbimet sekrete turke që kishin negociuar me rrëmbyesit për lirimin e tij.

Dhe pse tani ka kaluar një vit që prej kësaj ngjarjeje, ai arrin të kujtojë si sot ato ditë robërie.

Por, ai shpreson se një ditë do të rikthehet sërish në Siri për të çuar deri në fund detyrën e tij si gazetar.

“Gjërat që përjetova më kanë prekur shumë thellë, por ato s’janë asgjë krahasuar me ekzekutimin brutal të shumë njerëzve deri më tani”, theksoi reporteri turk.

Ai kujton këtu ekzekutimin e dy kolegëve të tij amerikan, James Foley dhe Steve Sotloff apo shumë pengjeve të tjerë anonimë që janë vrarë brutalisht.

“Shkrimi i këtij libri ishte shumë i dhimbshëm për mua, më bëri të rikujtoja edhe një herë tjetër ato momente, por dhe ndjeva një lehtësim të madh”, pohon Bunyamin Aygun.

ATSH

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Video-“447 milionë euro dëm në xhepat e shqiptarëve”/ Mesazhi i fortë për SPAK

Publikuar

-

Nga

Partia Demokratike akuzon kryeministrin Edi Rama se i ka shkaktuar një dëm prej 447 milionë euro, buxhetit të shqiptarëve.

Në një deklaratë për mediat, PD shprehet se çdo familje shqiptare do të detyrohet të paguajë papërgjegjshmërinë e Edi Ramës.

Ndërsa i referohet çështjes “Becchetti”, PD i drejton edhe një mesazh SPAK, duke theksuar që ajo të hetohet me përparësi, sepse çdo orë vonesë tashmë përkthehet në një dëm ekonomik të pakthyeshëm për qytetarët.

447 milionë euro, kjo është fatura e Edi Ramës për familjet shqiptare. Imagjinoni sa probleme të vogla dhe të mëdha për shqiptarët do të zgjidhte kjo shumë marramendëse, që fatkeqësisht do të kthehet në një peshë për buxhetin e çdo familje, që do të detyrohet të paguajë papërgjegjshmërinë e Edi Ramës.

447 milionë euro nuk do të shkojnë për spitale, shkolla, kopshte, investime në infrastrukturë, ndihmë ekonomike për njerëzit në nevojë, por për të paguar dëmet e shkaktuara nga një pakicë që ka shkatërruar ekonominë dhe po varfëron shqiptarët. Në 8 prill 2021 Partia Demokratike ka depozituar në SPAK kallëzimin për çështjen “Becchetti”. Ne presim që ajo të hetohet me përparësi, sepse çdo orë vonesë tashmë përkthehet në një dëm ekonomik të pakthyeshëm për qytetarët.”-thuhet në deklaratën e PD./CNA.al

LEXO TE PLOTE

Politikë

Video-Braçe e nis ditën i revoltuar/ Çfarë e shqetësoi zv.kryeministrin  

Publikuar

-

Nga

Humbja e mandatit të 10-të në Fier/ Erion Braçe merr përgjegjësinë: I kërkoj ndjesë Gramoz Ruçit

Zv/kryeministri Erion Braçe e ka nisur ditën i revoltuar.

Në një postim në rrjetet sociale, Braçe shkruan se është shqetësuar nga zhurma e punimeve në një pallat përballë banesës së tij.

Braçe ka publikuar video nga pallati përballë duke theksuar se pasi është ankuar, ka marrë si përgjigje që muzika është e lejuar deri në orën 23:00.

LEXO EDHE:  Fansat kritikojnë çiftin e njohur për udhëtimin në Afrikë

“Ora 7.28, e shtunë! Mirëmëngjes. Ashtu është fiks siç e mendoni! I pyeta dhe më thanë: Muzika është e lejuar deri në orën 23:00!”, shkruan ai.

LEXO EDHE:  “Shenjat e prangave nuk kanë për të më ikur kurrë”/ Gazetari tregon gjendjen e rënduar në komisarit: Dhuna ka emër!

LEXO TE PLOTE

Kronika

Zhvatën 4 milionë euro nëpërmjet mashtrimit online/ Të arrestuarit përballë togave të zeza

Publikuar

-

Nga

Katër pjesëtarët e rrjetit ndërkombëtar që mashtronte bizneset duke krijuar, një dëm prej gati 4 milionë eurosh, do të dalin sot para gjykatës për tu njohur me masën e sigurisë.

Mësohet se organi i akuzës ka kërkuar “arrest me burg”, për katër të pandehurit, ndërkohë i është bërë kërkesë Interpolit për kapjen e dy shtetasve nga Kameruni.

Dy shtetas nga Kameruni dhe shqiptarët e arrestuar nëpërmjet skemës “Mashtrimi i pagesës nëpërmjet postës elektronike” së bashku me të tjerë jashtë Shqipërisë kanë kontrolluar komunikimet e postës elektronike midis klientëve dhe subjekteve tregtare.

LEXO EDHE:  Dëshmoi kundër Metës/ Presidenca kërkon izolimin e menjëhershëm të gazetarit

LEXO EDHE:  “Shenjat e prangave nuk kanë për të më ikur kurrë”/ Gazetari tregon gjendjen e rënduar në komisarit: Dhuna ka emër!

Kujtojmë këtu se të arrestuarit janë Donald Anu, 34 vjeç, shtetas i Kamerunit, alias Ugochukëu  Emmanuel Emereibenu  39 vjeç, shtetas i Nigerisë; Marie Goufan, 31 vjeçe, shtetase Kamerunase, banuese në Tiranë dhe dy shqiptarët Fatbardh Danja, 40 vjeç, banues në Tiranë;  Xhentil Kupe, 54 vjeç, banues në Tiranë.

LEXO TE PLOTE