Connect with Us

Marrëdhëniet me Rusinë, përplasje në NATO

Uncategorized

Marrëdhëniet me Rusinë, përplasje në NATO

Publikuar

-

Zyrtarët e lartë të NATO­-s dhe të Rusisë janë përplasur ashpër lidhur me atë se kush është për t’u fajësuar për përkeqësimin dramatik të raporteve ndërmjet Perëndimit dhe Rusisë. Këto akuza të ndërsjella u bënë gjatë Forumit të Brukselit, më 20 mars, që është sponsoruar nga Fondi Gjerman Marshall.

Sekretari i përgjithshëm i NATO­-s, Jens Stoltenberg, tha se është një dallim i madh ndërmjet NATO­-s dhe Rusisë, pasi NATO­-ja “është aleancë mbrojtëse”.

“Ne nuk jemi në situatën e Luftës së Ftohtë, pasi ajo ishte luftë globale ndërmjet dy blloqeve ushtarake. Ishte një luftë ideologjike dhe ne tash nuk jemi atje. Por, po ashtu, ne nuk jemi në ambient bashkëpunues, që ne jemi përpjekur ta krijojmë pas Luftës së Ftohtë”, tha Jens Stoltenberg.

Kryesuesi i Komitetit për çështje ndërkombëtare në Këshillin e Federatës Ruse, Konstantin Kosachev, kategorikisht mohoi se Rusia po i shfrytëzon trupat e rregullta në Ukrainë.

Ai, gjithashtu, akuzoi aleancën e NATO­-s, që udhëhiqet nga Shtetet e Bashkuara, se këto ditë po flet shumë për nevojën për respektimin e së drejtës ndërkombëtare, kufijtë dhe sovranitetin e vendeve, por në të kaluarën e ka bombarduar një vend sovran, ish­Jugosllavinë në vitin 1999.

“Më 24 mars të vitit 1999, për të parën herë në historinë moderne të Evropës, NATO-­ja e filloi bombardimin e një vendi evropian – në atë kohë një vend integral i Jugosllavisë. I filloi bombardimet, sepse zoti Millosheviq refuzoi të lejojë vendosjen e forcave të NATO­-s në një pjesë të Jugosllavisë. Nëse ju dëshironi të quani diçka okupim të një pjese të një shteti të pavarur evropian, unë do ta përmend rastin e Kosovës”, theksoi Kosachev.

Por, Sekretari i përgjithshëm i NATO­-s, Jens Stoltenberg, tha se “Rusia e ka aneksuar një pjesë të një vendi tjetër”.

“Trupat ruse e kanë kaluar kufirin e fqinjëve të vet. Rusia e ka aneksuar një pjesë të një vendi tjetër dhe kjo është hera e parë që diçka e tillë ka ndodhur në Evropë, me aneksimin e Krimesë, pas përfundimit të Luftës së Dytë Botërore. Rusët i kanë trupat në Moldavi, në Gjeorgji, dhe ata po e destabilizojnë pjesën lindore të Ukrainës”, shtoi Jens Stoltenberg.

Lidhur me situatën në Ukrainë, Kosachev tha se Rusia synon “finalizimin e procesit të Minskut”.

“Ne jemi në procesin e Minskut. Ne jemi shumë të interesuar që ky proces të finalizohet dhe ne jemi shumë të pakënaqur kur shohim lidhshmërinë e krijuar nga Bashkimi Evropian, ndërmjet implementimit të marrëveshjeve të Minskut dhe sanksioneve kundërRusisë, pasi kam frikë se ekziston së paku një vend në Evropë, mendoj në Ukrainën, e cila është në konflikt me Rusinë, që me gjasë, nuk është e interesuar që marrëveshjet e Minskut të implementohen. Për një arsye të thjeshtë, pasi sa më shpejtë që të implementohen, Rusia lirohet nga sanksionet”.

LEXO EDHE:  Protesta para Gjykatës/ Deputetët e opozitës përplasen me policinë

“Jam i frikësuar se së paku forca të caktuara në Ukrainë, do të fillojnë të krijojnë probleme për marrëveshjet e Minskut dhe për procesin e Minskut, vetëm për shkak se ato dëshirojnë ta mbajnë Rusinë nën sanksione”, u shpreh Konstantin Kosachev.

Në diskutim mori pjesë edhe Victoria Nuland, ndihmës-sekretare amerikane e shtetit për çështje evropiane dhe të Euro-Azisë.

“Ajo që ne kemi shpresuar është se Rusia, po ashtu, do të dëshironte të jetonte në një botë ku ju nuk mund t’i ndryshoni kufijtë me forcë; që Rusia do të dëshironte të jetonte në një komunitet ku të drejtat individuale të çdo njeriu respektohen, pavarësisht se kë e duan ata ose çfarë ngjyre ata kanë, ose çfarë besimi ata kanë; atje ku mediat do të jenë të lira; ku ne do të ishim në gjendje të bëjmë marrëveshje me njëri – tjetrin për hapje të tregtisë së lirë me tarifa të ulëta”.

“Kjo është ajo që i lidh Shtetet e Bashkuara me vendet e Bashkimit Evropian dhe NATO­-n. Kjo është ajo që ishte bazë e gjithë punës që ne e bëmë në vitet e 90­ta dhe vitet në vazhdim për tu përpjekur për të punuar me Rusinë, qoftë nëpërmjet Këshillit NATO­-Rusi, qoftë nëpërmjet bashkëpunimit ekonomik dhe partneritetit strategjik Rusi­-BE”.

“Por, në kontekst të Rusisë, që nuk është e interesuar në këto rregulla në këtë kurs, ne qartas jemi të kufizuar se sa shumë mund të bëjmë së bashku. Ne ende do të përpiqemi të bëjmë aq sa mundemi, por ne do ta mbrojmë dhe do të jemi partner me ata që dëshirojnë të bashkohen në këtë përbërje themelore njerëzore”, tha Victoria Nuland.

REL

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

A do ta nxjerrë të pafajshëm Artan Gjermeni, ish-deputetin Salianji?!

Publikuar

-

Nga

Në Gjykatën Penale të Tiranës ka filluar të zhvillohet proçesi gjyqësor në lidhje me çështjen e bujshme, “Babale”, një skenar që zili do ta kishte zili edhe Hollivudi, ku është i përfshirë ish-deputeti i PD-së, Ervin Salianji, gazetari Jetmir Olldashi, Fredi Alizoti dhe i ashtuquajturi “Babale”, apo Albert Veliu.

Katër personazhe, të cilët rreth një vit më parë ngritën në këmbë opinionin publik duke sajuar një film aksion që fillonte tek ministri i Brendshëm në atë kohë, Fatmir Xhafaj, tek vellai i tij Agron Xhafaj, që shkonte deri te kryeministri dhe emra të tjerë drejtues të lartë të mazhorancës, por edhe të opozitës.

Në atë kohë “Babalja” dhe Alizoti mbaheshin nga PD si dy “xhevahire”, por më pas gjerat filluan të zbërtheheshin një e nga një. Tani, pasi çështja shkoi tek Krimet e Rënda, përfundoi tek Prokuroria e Tiranës.

Prokurorët akuzojnë Ervin Salianjin dhe gazetarin Olldashi, si personat që kanë inskenuar gjithë atë zhurmë dhe tymnajë të ngritur në lidhje çështjen “Babale”.

Por, çfarë po ndodh në Gjykatën e Tiranës dhe a po përpiqet Artan Gjermeni, njeriu që po shqyrton çështjen, për ta nxjerrë të pafajshëm Ervin Salianjin dhe mikun e tij gazetarin Olldashi?

Burimet janë të ndryshme, lajmet janë kontradiktore. Dikush pretendon se Gjermeni është i majtë, dikush pretendon se për shkak të mos kalimit të Vettingut mund të bëjë qoken e radhës tek Salianji, e kështu me radhë.

Por, në korridoret e Partisë Demokratike, zërat thonë se Salianji do të dalë i pafajshëm dhe se gjithçka me Gjermenin është mbyllur, nëpërmjet dy linjave të tjera.

Linja e parë, bazuar te opozitarët është një lidhje e përfaqësueve ligjorë të Salianjit që nga fillimi i procesit penal me gjyqtarin Artan Gjermeni.

Një nga bashkëpunëtorët e Salianjit, i cili është në krah të tij dhe mbrojtës kryesor i tij ka një lidhje të fortë familjare me Gjermenin, çka çon në dyshime se mund të ketë marrë një premtim për pafajësi.

LEXO EDHE:  Spiunazh në Shqipëri?/ Antiterrori vëzhgoi 5 çekë e 2 rusë, lëvizje të dyshimta pranë bazës ushtarake

LEXO EDHE:  Ministri i jashtëm turk viziton Greqinë

Një lidhje tjetër që ka rënë në duart e opozitarëve është edhe drejtuesi i Fokus Media, Irfan Hysenbelliu, i cili njihet për mbështetjen që ka ndaj Salianjit dhe ish-sekretares së tij Grida Duma. Kjo dyshe ka një suport të plotë mediatik nga mediat e Irfan Hysenbelliut.

Artan Gjermeni njihet për lidhjen e ngushtë dhe miqësinë e veçantë që ka me botuesin e mediave që nga ana tjetër është mik i ngushtë i Salianjit.

Këto janë dy tezat që qarkullojnë në korridoret e opozitës, për të nxjerrë të pafajshëm Ervin Salianjin.

Por, a do të mundet Gjermeni që ta nxjerrë të “palagur” ish-deputetin e PD-së, që ndezi flakë e zjarr një vit më parë politikën shqiptare.



Nga ana tjetër, teza se ai nuk kalon Vettingun, problemet me sistemin, janë një shans për Gjermenin, i cili shumë shpejt pritet të braktisë sistemin e drejtësisë.

Përtej çdo skenari “Babale” apo jo, tani gjithçka ka ngelë në dorën e Gjermenit. Gurët e shahut po luhen të gjithë. Salianji për pafajësi, dhe drejtësia për mosdrejtësi. Të shohim se çdo të ndodhë./ CNA.al

Alizoti “plas bombën” në Gjykatë/ Salianji na ofroi 200 mijë euro

Dosja “Babale”/ Salianji sjell prova të reja, si u manipulua zëri i Agron Xhafajt

“Çështja Babale”/ Alizoti “masakron” Salianjin: “Bëra çfarë më the për të marrë paratë, hap kamerat kur jemi takuar në PD”

“Kam bërë zërin e Agronit, lekët do mi jepte Salianji”/ Alizoti “fundos” ish-deputetin

Dosja “Babale”/ Salianji sjell prova të reja, si u manipulua zëri i Agron Xhafajt

LEXO TE PLOTE

Politikë

Deputeti Murrizi e thotë troç: PD-PS, pazare në kurriz të shqiptarëve

Publikuar

-

Nga

Murrizi ftesë politikanëve/ Kush ka këllqe të vijë të garojë krah meje në 25 prill

Deputeti i Partisë Demokratike, Myslym Murrizi, njëherësh dhe zvendëskryetar i Parlamentit, ka goditur fortë dy forcat kryesore politike, PD-PS, duke i akuzuar se bëjnë pazare të ndyra në kurriz të shqiptarëve. Pazare që do tu kushtojnë pasi tashmë ka ardhur një tjetër “usta”



“Nuk është lojë shahu PD-PS. Bëjnë pazare në kurriz të shqiptarëve, por ka ardhur “usta” tjetër. Do pajtohen ose në burg të Recit ose do përfundojnë si ish-ministri Tahiri.  Kanë qejf që ta lënë kështu siç është. Tentojnë të bëjnë marrëveshje. Nesër deputetë të opozitës kanë mbledhje me ambasadorët. Do u them që nuk do jap konsensus pa ndryshuar sistemin zgjedhor, artikuloi deputeti Murrizi./CNA.al

LEXO TE PLOTE

Opinione

Shënim/ Pse fajin për zgjedhjet nuk e ka sistemi?

Publikuar

-

Nga

Kush e fiton Tiranën?/ Kryeqytetasit ndajnë mendjen për 25 prillin

Sot në mesditë, koordinatori i Bindjes Demokratike, Astrit Patozi, ka rënë në një mendje me presidentin Ilir Meta, ish kreu i LSI-së, se përgjegjësi kryesor për situatën dhe krizën politike, që nga post 2008 , është sistemi zgjedhor. Një sistem për të cilin Ilir Meta bëri dhe grevë urie duke pretenduar se ishte shkatërrimtar për të. Por, në fakt, është po ky sistem që e bëri Ilir Metën vërtet polin e tretë politik në vend, me gati 19 deputetë, kur të gjitha forcat e mëdha i kishte kundër, jo shumë larg por dy vite më parë.

E kështu me radhë, lindi LSI-ja në 2009, në fakt si një forcë parlamentare, po nga ky sistem. E është po ky sistem që na prodhoi mandatet e djegura dhe një listë me individë që nuk i’u bindën partisë por hynë në Parlament dhe na treguan se Lulzim Basha vërtetë në vend të përfaqësuesve, të demokratëve dhe të shqiptarëve i kishte mbushur listat me sahanlëpirës, plaçkaxhinj, sharlatan, injorant, të pashkollë e gjithçka ndodhi ndodhej para, ashtu sikundër janë dhe shtresat e rilindjes në krahun tjetër, por nuk shfaqen, nuk flasin e nuk dëgjohen.

Po pse fajin nuk e ka sistemi?

Fajin nuk e ka sistemi për shkak se në Shqipëri problemi nuk është formula, pra mazhoritar, proporcional, mazhoritar i përzier me proporcional, listat e hapura apo listat e mbyllura.

Partitë politike në Shqipëri nuk funksionojnë si organizata të mirëfillta politike ku zgjidhesh, kalon një stad të caktuar, më pas largohesh, ka senate, ka njërëz me eksperiencë, dalin elita të reja e kështu me radhë. Nuk ndodh kështu! Është kryetari që vendos për të gjithë, pra kryetari është bajraktari i partisë. Ai që ka në dorë listat e deputetëve, ai që bën listat e komisionerëve, duke ia deleguar atij të degës, kryetari i degës përveç komisionerëve vendos dhe numëruesit, vendos drejtorët rajonal e kështu me radhë, bashkë me deputetët, e këta krijojnë një kastë të caktuar e cila është e gjitha në shërbim të bajraktarit në krye të partisë.

Prandaj, në thelb, në Shqipëri përtej asaj që artikulohet se sistemi është problem i madh, problem më i madh sot për sot janë kryetarët e partive, janë bajraktarët e tyre të cilët i trajtojnë ato si prona dhe biznese private. Ashtu siç është Edi Rama, ashtu siç është Lulzim Basha, po ashtu siç është dhe Ilir Meta, i cili partinë nuk pati besim t’ia linte më shumë se një muaj Petrit Vasilit, por ia kaloi gruas së tij.



Kështu është dhe Fatmir Mediu, që ka gjithë jetën kryetar, kështu është dhe Dash Shehi që ka gjithë jetën kryetar, kështu është Nard Ndoka, që ka gjithë jetën kryetar e kështu janë shumë e shumë parti në Shqipëri, të cilat janë formuar për të tjera, fillimisht idelale, apo të ndërtuara me të tjera qëllime, por që tani kanë katandisur si një tokë e xanun nga kryetarët e tyre, të cilët nuk lëshojnë një fije peri.

LEXO EDHE:  Takimi me zyrtarët e Sigurisë Kombëtare/ Meta: NATO dhe partneriteti me SHBA, të rëndësishme për Ballkanin

LEXO EDHE:  Trump: NATO-ja të përfshijë edhe vende nga Lindja e Mesme

E ky është thelbi i problemit. Çfarëdo lloj sistemi të përdoret në Shqipëri, a nuk ishte mazhoritari me proporcional, që shkaktoi “dushkun”? A nuk ishte proporcionali rajonal, me lista të mbyllura, që na solli këtë Parlament që kemi sot? Këtë palo Parlament që u mbush me kriminel e banditë nga kryetarët e partive, apo budallenj nga ana tjetër.

A nuk ishte sistemi mazhoritar i përzier me proporcional që në zona të drejtëpërdrejta na ka nxjerrë deputetë nga më të fëlliqurit? A nuk ka qenë direkt sistemi mazhoritarë që nëpër bashki u zgjodhën njerëz të inkriminuar, jo vetëm në 30 qershor por dhe në zgjedhjet e kaluara lokale! Prandaj thelbi i problemit është tek bajraktarët, tek kryetarët e partive dhë më pas zbret dhe poshtë tek elektorati, pra tek qytetarët, tek mungesa e një kulture të mirëfilltë politike dhe e një respekti të denjë ndaj votës. Pra shitblerja e saj, pazari që ofrohet nga bajraktarët, por edhe oferta që pranohet për shkak të varfërisë dhe problematikave të thella social-shoqërore.

Mirë do të ishte që kasta politike përtej sistemit të bënte disa hapa të tjerë. Të zgjidhte disa problem të tjera. Pra të kishte një marrëveshje kombëtare në lidhje me sjelljen politike, në lidhje me veprimet dhe aktet politike sesa të bënin hipokritin duke propoganduar se është sistemi ai që po na bëka gjëmën dhe për këtë të na qajë më shumë Ilir Meta i cili krijoi një parti gjobaxhinjsh dhe hajdutësh që sot, pra nga ky sistem, ka 19 deputetë të larguar, ish ministra të korruptuar por edhe 19 të tjerë që kanë hyrë brenda në Parlament që pa folur dhe pa hapur gojën kuptohet se çfarë janë. E më pas janë banditët e Ramës, e më pas vijnë dhe qesharakët e Lulzim Bashës të shitur e të blerë nëpër lista.

Ndaj mirë do të ishte të jenë një herë të sinqertë, e të mos i’a vënë fajin këtij sistemi. Ja ku është sistemi i Kosovës, le ta implementojnë. E kanë dhe sistemin e parë, mazhoritarin me proporcional  të përzierë, le ta provojnë, e kanë dhe këtë sistem që është le ta provojnë. Në çdo lloj forme, në çdo lloj mënyre, sërisht aty askush nuk do të pranojë humbjen, të gjithë do grinden me njëri-tjetrin, deputetët do shiten, listat do të vendosen sipas qejfeve të kryetarëve përsa kohë funksionon një forcë politike, apo shumica e forcave politike si sekte të bajraktarëve që i shfrytëzojnë për qëllime personale

Ky është thelbi i problemit dhe asgjë me shumë se sa kaq./CNA.al

LEXO TE PLOTE
Lajme të Rekomanduara: