Connect with Us

Teknologjia dhe virusi hiv

Shëndeti

Teknologjia dhe virusi hiv

Publikuar

-

Diagnostikimi i infeksioneve si virusi HIV, kërkojnë prova klinike të shtrenjta, duke i bërë procedurat shumë të kushtueshme për shumë pacientë të varfër apo për ata që jetojnë në zona rurale.  Por një teknologji e re mund t’i bëjë testimet më të qasshme për shumë njerëz.

Telefonat inteligjentë janë si kompjutera që futen në xhepa, të aftë për të luajtur shumë programe të komplikuara – që nga lojrat e deri tek ndihma mjekësore.

Aplikime të tjera i shtojnë edhe më shumë këto mundësi të telefonave sot.

Shkencëtarët në universitetin Kolumbia në Nju Jork kanë zhvilluar një pajisje që kur lidhet në telefon, e kthen atë në një mjet për të diagnostikuar sëmundje infective si Hiv apo sifilisi.

Sam Sia është ndihmës profesor për inxhinierinë biomjekësore në universitetin Kolumbia. Ai thotë se diagnostikimi i hershëm mund të jetë çështje jete apo vdekje për pacientët si përshembull për grate shtatëzëna në pjesë rurale të Afrikës.

“…Duke përdorur diagnostikim më të lehtë për këta pacientë, ata mund të trajtohen, foshnjet e tyre mund të lindin dhe të jetojnë normal. Pra nuk është më çështje jetë a vdekje në se i kanë këto diagnoza. ”

Për 10 vjet Sia dhe ekipi i tij punuan për të zhvilluar një pajisje që ata thonë se mund të kryej prova laboratorike si ato të pajisjeve që kushtojnë 18 mijë dollar.

LEXO EDHE:  Apple pranon 'truket e pista' që përdor për të shitur versionet e reja të iPhone

“Në vend që të marrin gjak dhe ta dërgojnë në laborator, ata mund ta bëjnë testimin këtu dhe ta marrësh përgjigjen për 15 minuta me një cilësi të ngjashme me ato të testeve në laborator.”

Testimi i një numri të vogël pacientësh në Ruanda dha rezultate me saktësi të lartë. Ndjeshmëria në gjetjen e antitrupave ishte 92 deri në 100 përqind, ndërsa përjashtimi i njerëzve të painfektuar ishte 79 deri në 100 përqind i saktë.

Zoti Sia thotë se kapaciteti i pajisjes nuk është i kufizuar vetëm për sëmundjet seksualisht të transmetueshme, si virusi Hiv dhe sifilisi.

“Ne mund të shohim sëmundje të tjera si hepatiti, sëmundje të tjera infektuese si malarja por edhe sëmundjet kronike.”

Sia dhe ekipi i tij po përgatiten tani për një prove klinike në shkallë të gjerë që kërkohet për miratimin e pajisjes nga Organizata Botërore e Shëndetësisë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Studimi: Efektiviteti i vaksinës kineze Sinovac zbehet pas gjashtë muajsh

Publikuar

-

Nga

Studimi: Efektiviteti i vaksinës kineze Sinovac zbehet pas gjashtë muajsh

Antitrupat e krijuar nga vaksina kineze Sinovac për COVID-19 bien nën nivelin kritik, rreth gjashtë muaj pas dozës së dytë për shumicën e të vaskinuarve, megjithatë një dozë e tretë përforcuse mund të ketë një efekt të fortë mbrojtës, sipas një studimi laboratorik.

Studiuesit kinezë njoftuan për përfundimet e një studimi të mostrave të gjakut mes të rriturve të shëndetshëm të moshave 18-59 vjeç, në një studim të botuar të dielën.

Për pjesëmarrësit që kishin marrë dy doza, me interval dy ose katër javëshe , vetëm 16.9% dhe 35.2% respektivisht vazhdonin të kishin nivel antitrupash, mbi minimumin e duhur gjashtë muaj pas dozës së dytë, thotë studimi.

Përfundimet u bazuan në të dhënat nga dy grupe që përfshinin më shumë se 50 pjesëmarrës secili. Doza e tretë iu dha 540 pjesëmarrësve në studim.

LEXO EDHE:  Ndodh mrekullia/Shërohet njeriu i parë me HIV, ja kush është

Për ata që morrën dozën e tretë, rreth gjashtë muaj pas së dytës, nivelet e antitrupave neutralizues pas 28 ditësh ishin rritur rreth 3-5 herë nga nivelet e diktuare katër javë pas dozës së dytë, sipas studimit.

LEXO EDHE:  Sa i papërshkueshëm është telefoni juaj nga uji?/ Përgjigjja mund t’iu befasojë

Studimi u krye nga institutet për kontrollin e sëmundjeve në provincën Jiangsu, kompania Sinovac dhe institucione të tjera kineze.

Ata paralajmëruan se studimi nuk ka testuar efektin e antitrupave kundër varianteve më të transmetueshme dhe se kërkohej hulumtim i mëtejshëm për të vlerësuar kohëzgjatjen e antitrupave pas një doze të tretë./voa

LEXO TE PLOTE

Shëndeti

Brataj tregon nëse mund të përzgjidhet lloji i vaksinës: Nuk duhet paragjykuar kinezja

Publikuar

-

Nga

Brataj tregon nëse mund të përzgjidhet lloji i vaksinës: Nuk duhet paragjykuar kinezja

Kreu i Urgjencës Kombëtare, Skënder Brataj tha në Row Politics, në Euronews Albania se është i gabuar paragjykimi nda vaksinës kineze, me të cilën po injektohen masivisht shqiptarët.

Brataj tha se çështja e vaksinave është kthyer edhe në një luftë ekonomike dhe gjeopolitike, ndërsa shtoi se sa më shumë njerëz të vaksinohen me çfarëdolloj vaksine, është diçka pozitive.

“Të gjitha vaksinat do të rishihen, sepse me mutacionet që po pëson virusi, vaksinat e reja që prodhohen do të ndryshojnë”, tha mjeku.

LEXO EDHE:  Test i shpejtë HIV përmes smartphone

LEXO EDHE:  Ndodh mrekullia/Shërohet njeriu i parë me HIV, ja kush është

I pyetur lidhur me mënyrën se si vendoset cilën lloj vaksine do të kryejë secili qytetar dhe a kanë këta të fundit të drejtë ta përzgjedhin vetë, z. Brataj u shpreh se kjo gjë varet nga numri i vaksinave në dispozicion për secilin lloj në qendrën shëndetësore përkatëse ku kryhet vaksinimi./Euronews

LEXO TE PLOTE

Shëndeti

Manastirliu jep lajmin e mirë/ Mbërrijnë në Rinas 67,860 doza të vaksinës Pfizer

Publikuar

-

Nga

Manastirliu jep lajmin e mirë/ Mbërrijnë në Rinas 67,860 doza të vaksinës Pfizer

Mbrëmjen e sotme kanë arritur në Aeroportin e Rinasit 67,860 doza të vaksinës Pfizer.

Lajmin e ka bërë të ditur ministrja e Shëndetësisë Ogerta Manastirliu në një postim në rrejtët sociale.

“67,860 doza të vaksinës Pfizer sapo kanë mbërritur në Aeroportin “Nënë Tereza”, duke çuar në 1,679,410 sasinë e vaksinave antiCOVID të mbërritura në vend.

Kjo sasi e vaksinave Pfizer u sigurua nga financimi i qeverisë shqiptare përmes instrumentit Covax, nga kontrata direkte me kompaninë si dhe nga mbështetja e Bashkimit Europian.

#Vijojmë çdo ditë pa u ndalur me vaksinimin masiv në të gjithë vendin. Deri tani janë kryer 1,148,910 vaksinime.“/CNA.al

LEXO TE PLOTE