Connect with Us

Vendosni më në fund! Politika e BE ndaj refugjatëve

Uncategorized

Vendosni më në fund! Politika e BE ndaj refugjatëve

Publikuar

-

Përparim i vërtetë nuk pritet as nga vendimet e reja për politikën ndaj refugjatëve. Shumë e madhe është frika e vendeve të BE nga migrimi i pakontrolluar – pavarësisht fjalëve për humanizimin, mendon Barbara Wessel.

Vëzhguesit afatgjatë të politikës evropiane, i kap kur dëgjojnë këtë lajm një ndjenjë depresive e rikthimit të kohëve të vjetra: në verë Komisioni Evropian do të paraqesë një projekt për një politikë të re ndaj refugjatëve. Deri atëherë ka kohë për një debat të ashtuquajtur orientues. Kjo është një mundësi për qeveritë e vendeve anëtare për të vënë në tavolinë shumë ide të bukura, të vjetra dhe për të kaluar njëkohësisht në pozita mbrojtjeje. Sepse në politikën e migrimit dhe të refugjatëve sundon parimi: Jo në oborrin tim! Le të shohin vendet fqinje si dhe ku mund t’i strehojnë refugjatët e luftës nga Siria. Britania e Madhe është për këtë një shembull i mirë: me zë të lartë ua qajnë hallin të krishterëve sirianë deputetët e Dhomës së Ulët të Parlamentit Britanik, por britanikët kanë pranuar gjithsej 146 refugjatë nga Siria.

Përsëritje e ideve dhe frazave të vjetra

Dhe kjo nuk ndodh prej vitesh kështu, po prej dekadash. Le të marrim idenë e ministrit të Brendshëm Gjerman për të ngritur qendra pritëse për refugjatët e Afrikës diku në Afrikën e Veriut ose për t’i nxjerrë ata nga rajonet e luftës civile, pa marrë rrugën e Mesdheut. Këtë propozim Thomas de Maiziere duhet ta ketë gjetur në ndonjë dosje të vjetër në zyrën e tij, sepse para një dekade kjo ide është paraqitur njëherë në Bruksel nga para-paraardhësi i tij, Otto Schily. Që atëherë bota në Afrikën e Veriut nuk është bërë më e mirë. E ku mund t’i ngresh qendra të tilla? Mbase në Libi, në vendin kryesor tranzit, i cili kontrollohet nga banda të armatosura në vend të një qeverie qendrore.

E njëjta gjë vlen edhe për premtimet për të vepruar më me forcë kundër trafikantëve të njerëzve. Herë pas herë kapen disa vetë në varka. Por si në tregtinë e drogës – kapen vetëm peshqit e vegjël. Deri tek bandat kriminale në Libi ose në Turqi nuk arrin askush, aq më pak në BE. E si? Me njësi komando?

LEXO EDHE:  Trafikonte emigrantë në Angli/ Ekstradohet shqiptari

Pika tjetër në kërkesat është thirrja për kontrolle më të mira kufitare. Por mbrojtja e kufirit është në dorën e shteteve anëtare, dhe ata as që kanë ndër mend t’ia dorëzojnë atë ndonjë institucioni të BE. Ose është në dorën e shteteve fqinje, si p.sh. të Serbisë, të cilat nuk kanë interes të ndalojnë refugjatë ose të mos lejojnë afrimin e tyre. Sepse ata vazhdojnë gjithsesi rrugën drejt Veriut të pasur – tema merr fund!

BE duhet të vendosë se çfarë do

Aktualisht nuk ekziston ndonjë mundësi legale për të ardhur për shembull në Gjermani dhe për të paraqitur këtu kërkesë për azil. Kjo është çmenduria e një politike, e cila është njëkohësisht çnjerëzore dhe jofunksionale! Dhe këtë nuk do ta ndryshojnë vendimet e reja për politikën e BE ndaj refugjatëve. Sepse Komisioni Evropian punon sërisht me frazat e vjetra: dëshirohet të mbrohen kufijtë e BE, por gjithashtu edhe migrantët, të kërkohet solidaritet, të mbështetet shpërngulja vullnetare e refugjatëve të luftës etj. Objektiva që pjesërisht e përjashtojnë njëra-tjetrën, pjesërisht janë të paarritshme.

Zgjidhja më e mençur do të ishte vetëm një sistem korrekt kuotash, me të cilin azilkërkuesit të shpërndaheshin në kontinent. Por këtë nuk e pranojnë britanikët dhe evropianolindorët – pra kjo nuk arrihet.

Politika e BE ndaj refugjatëve nuk mund të përmirësojë – dhe kjo në variantin e tyre të pestë- vetëm zbatimin e rregullave ekzistues, në një kohë kur qendrim më konsekuent, shumicën e herëve do të thotë mungesë më e madhe humanizmi dhe më pak mundësi shpërdorimi.Të paktën një gjë evropianët më në fund duhet ta arrijnë: një sistem human dhe të drejtë për pranimin e refugjatëve të luftës. Evropa duhet të deklarojë më në fund vullnetin e saj politik dhe jo të përbetohet nga njëra anë për humanizëm dhe nga ana tjetër të mbyllë urat. Guximi për rregulla të qarta dhe për kuota – edhe nëse do të sillte kufizime – do të ishte më mirë se ajo që shitet tani si politikë e BE për refugjatët.

DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

A do ta nxjerrë të pafajshëm Artan Gjermeni, ish-deputetin Salianji?!

Publikuar

-

Nga

Në Gjykatën Penale të Tiranës ka filluar të zhvillohet proçesi gjyqësor në lidhje me çështjen e bujshme, “Babale”, një skenar që zili do ta kishte zili edhe Hollivudi, ku është i përfshirë ish-deputeti i PD-së, Ervin Salianji, gazetari Jetmir Olldashi, Fredi Alizoti dhe i ashtuquajturi “Babale”, apo Albert Veliu.

Katër personazhe, të cilët rreth një vit më parë ngritën në këmbë opinionin publik duke sajuar një film aksion që fillonte tek ministri i Brendshëm në atë kohë, Fatmir Xhafaj, tek vellai i tij Agron Xhafaj, që shkonte deri te kryeministri dhe emra të tjerë drejtues të lartë të mazhorancës, por edhe të opozitës.

Në atë kohë “Babalja” dhe Alizoti mbaheshin nga PD si dy “xhevahire”, por më pas gjerat filluan të zbërtheheshin një e nga një. Tani, pasi çështja shkoi tek Krimet e Rënda, përfundoi tek Prokuroria e Tiranës.

Prokurorët akuzojnë Ervin Salianjin dhe gazetarin Olldashi, si personat që kanë inskenuar gjithë atë zhurmë dhe tymnajë të ngritur në lidhje çështjen “Babale”.

Por, çfarë po ndodh në Gjykatën e Tiranës dhe a po përpiqet Artan Gjermeni, njeriu që po shqyrton çështjen, për ta nxjerrë të pafajshëm Ervin Salianjin dhe mikun e tij gazetarin Olldashi?

Burimet janë të ndryshme, lajmet janë kontradiktore. Dikush pretendon se Gjermeni është i majtë, dikush pretendon se për shkak të mos kalimit të Vettingut mund të bëjë qoken e radhës tek Salianji, e kështu me radhë.

Por, në korridoret e Partisë Demokratike, zërat thonë se Salianji do të dalë i pafajshëm dhe se gjithçka me Gjermenin është mbyllur, nëpërmjet dy linjave të tjera.

Linja e parë, bazuar te opozitarët është një lidhje e përfaqësueve ligjorë të Salianjit që nga fillimi i procesit penal me gjyqtarin Artan Gjermeni.

LEXO EDHE:  “Në det të hapur si dhe në politikë, mbijeton më i forti apo më i miri?”

LEXO EDHE:  “Perversitet psiqik për qëllime kriminale”/ Vasili “degjeneron” Ramën

Një nga bashkëpunëtorët e Salianjit, i cili është në krah të tij dhe mbrojtës kryesor i tij ka një lidhje të fortë familjare me Gjermenin, çka çon në dyshime se mund të ketë marrë një premtim për pafajësi.

Një lidhje tjetër që ka rënë në duart e opozitarëve është edhe drejtuesi i Fokus Media, Irfan Hysenbelliu, i cili njihet për mbështetjen që ka ndaj Salianjit dhe ish-sekretares së tij Grida Duma. Kjo dyshe ka një suport të plotë mediatik nga mediat e Irfan Hysenbelliut.

Artan Gjermeni njihet për lidhjen e ngushtë dhe miqësinë e veçantë që ka me botuesin e mediave që nga ana tjetër është mik i ngushtë i Salianjit.

Këto janë dy tezat që qarkullojnë në korridoret e opozitës, për të nxjerrë të pafajshëm Ervin Salianjin.

Por, a do të mundet Gjermeni që ta nxjerrë të “palagur” ish-deputetin e PD-së, që ndezi flakë e zjarr një vit më parë politikën shqiptare.

Nga ana tjetër, teza se ai nuk kalon Vettingun, problemet me sistemin, janë një shans për Gjermenin, i cili shumë shpejt pritet të braktisë sistemin e drejtësisë.

Përtej çdo skenari “Babale” apo jo, tani gjithçka ka ngelë në dorën e Gjermenit. Gurët e shahut po luhen të gjithë. Salianji për pafajësi, dhe drejtësia për mosdrejtësi. Të shohim se çdo të ndodhë./ CNA.al

Alizoti “plas bombën” në Gjykatë/ Salianji na ofroi 200 mijë euro

Dosja “Babale”/ Salianji sjell prova të reja, si u manipulua zëri i Agron Xhafajt

“Çështja Babale”/ Alizoti “masakron” Salianjin: “Bëra çfarë më the për të marrë paratë, hap kamerat kur jemi takuar në PD”

“Kam bërë zërin e Agronit, lekët do mi jepte Salianji”/ Alizoti “fundos” ish-deputetin

Dosja “Babale”/ Salianji sjell prova të reja, si u manipulua zëri i Agron Xhafajt

LEXO TE PLOTE

Politikë

Deputeti Murrizi e thotë troç: PD-PS, pazare në kurriz të shqiptarëve

Publikuar

-

Nga

Deputeti i Partisë Demokratike, Myslym Murrizi, njëherësh dhe zvendëskryetar i Parlamentit, ka goditur fortë dy forcat kryesore politike, PD-PS, duke i akuzuar se bëjnë pazare të ndyra në kurriz të shqiptarëve. Pazare që do tu kushtojnë pasi tashmë ka ardhur një tjetër “usta”

“Nuk është lojë shahu PD-PS. Bëjnë pazare në kurriz të shqiptarëve, por ka ardhur “usta” tjetër. Do pajtohen ose në burg të Recit ose do përfundojnë si ish-ministri Tahiri.  Kanë qejf që ta lënë kështu siç është. Tentojnë të bëjnë marrëveshje. Nesër deputetë të opozitës kanë mbledhje me ambasadorët. Do u them që nuk do jap konsensus pa ndryshuar sistemin zgjedhor, artikuloi deputeti Murrizi./CNA.al

LEXO TE PLOTE

Opinione

Shënim/ Pse fajin për zgjedhjet nuk e ka sistemi?

Publikuar

-

Nga

Sot në mesditë, koordinatori i Bindjes Demokratike, Astrit Patozi, ka rënë në një mendje me presidentin Ilir Meta, ish kreu i LSI-së, se përgjegjësi kryesor për situatën dhe krizën politike, që nga post 2008 , është sistemi zgjedhor. Një sistem për të cilin Ilir Meta bëri dhe grevë urie duke pretenduar se ishte shkatërrimtar për të. Por, në fakt, është po ky sistem që e bëri Ilir Metën vërtet polin e tretë politik në vend, me gati 19 deputetë, kur të gjitha forcat e mëdha i kishte kundër, jo shumë larg por dy vite më parë.

E kështu me radhë, lindi LSI-ja në 2009, në fakt si një forcë parlamentare, po nga ky sistem. E është po ky sistem që na prodhoi mandatet e djegura dhe një listë me individë që nuk i’u bindën partisë por hynë në Parlament dhe na treguan se Lulzim Basha vërtetë në vend të përfaqësuesve, të demokratëve dhe të shqiptarëve i kishte mbushur listat me sahanlëpirës, plaçkaxhinj, sharlatan, injorant, të pashkollë e gjithçka ndodhi ndodhej para, ashtu sikundër janë dhe shtresat e rilindjes në krahun tjetër, por nuk shfaqen, nuk flasin e nuk dëgjohen.

Po pse fajin nuk e ka sistemi?

Fajin nuk e ka sistemi për shkak se në Shqipëri problemi nuk është formula, pra mazhoritar, proporcional, mazhoritar i përzier me proporcional, listat e hapura apo listat e mbyllura.

Partitë politike në Shqipëri nuk funksionojnë si organizata të mirëfillta politike ku zgjidhesh, kalon një stad të caktuar, më pas largohesh, ka senate, ka njërëz me eksperiencë, dalin elita të reja e kështu me radhë. Nuk ndodh kështu! Është kryetari që vendos për të gjithë, pra kryetari është bajraktari i partisë. Ai që ka në dorë listat e deputetëve, ai që bën listat e komisionerëve, duke ia deleguar atij të degës, kryetari i degës përveç komisionerëve vendos dhe numëruesit, vendos drejtorët rajonal e kështu me radhë, bashkë me deputetët, e këta krijojnë një kastë të caktuar e cila është e gjitha në shërbim të bajraktarit në krye të partisë.

Prandaj, në thelb, në Shqipëri përtej asaj që artikulohet se sistemi është problem i madh, problem më i madh sot për sot janë kryetarët e partive, janë bajraktarët e tyre të cilët i trajtojnë ato si prona dhe biznese private. Ashtu siç është Edi Rama, ashtu siç është Lulzim Basha, po ashtu siç është dhe Ilir Meta, i cili partinë nuk pati besim t’ia linte më shumë se një muaj Petrit Vasilit, por ia kaloi gruas së tij.

Kështu është dhe Fatmir Mediu, që ka gjithë jetën kryetar, kështu është dhe Dash Shehi që ka gjithë jetën kryetar, kështu është Nard Ndoka, që ka gjithë jetën kryetar e kështu janë shumë e shumë parti në Shqipëri, të cilat janë formuar për të tjera, fillimisht idelale, apo të ndërtuara me të tjera qëllime, por që tani kanë katandisur si një tokë e xanun nga kryetarët e tyre, të cilët nuk lëshojnë një fije peri.

LEXO EDHE:  Nëse do shkosh me pushime në Europë do të duhet të lexosh këtë artikull

LEXO EDHE:  Shantazhi Basha-Rama/ Çfarë po bluhet në politikën shqiptare?

E ky është thelbi i problemit. Çfarëdo lloj sistemi të përdoret në Shqipëri, a nuk ishte mazhoritari me proporcional, që shkaktoi “dushkun”? A nuk ishte proporcionali rajonal, me lista të mbyllura, që na solli këtë Parlament që kemi sot? Këtë palo Parlament që u mbush me kriminel e banditë nga kryetarët e partive, apo budallenj nga ana tjetër.

A nuk ishte sistemi mazhoritar i përzier me proporcional që në zona të drejtëpërdrejta na ka nxjerrë deputetë nga më të fëlliqurit? A nuk ka qenë direkt sistemi mazhoritarë që nëpër bashki u zgjodhën njerëz të inkriminuar, jo vetëm në 30 qershor por dhe në zgjedhjet e kaluara lokale! Prandaj thelbi i problemit është tek bajraktarët, tek kryetarët e partive dhë më pas zbret dhe poshtë tek elektorati, pra tek qytetarët, tek mungesa e një kulture të mirëfilltë politike dhe e një respekti të denjë ndaj votës. Pra shitblerja e saj, pazari që ofrohet nga bajraktarët, por edhe oferta që pranohet për shkak të varfërisë dhe problematikave të thella social-shoqërore.

Mirë do të ishte që kasta politike përtej sistemit të bënte disa hapa të tjerë. Të zgjidhte disa problem të tjera. Pra të kishte një marrëveshje kombëtare në lidhje me sjelljen politike, në lidhje me veprimet dhe aktet politike sesa të bënin hipokritin duke propoganduar se është sistemi ai që po na bëka gjëmën dhe për këtë të na qajë më shumë Ilir Meta i cili krijoi një parti gjobaxhinjsh dhe hajdutësh që sot, pra nga ky sistem, ka 19 deputetë të larguar, ish ministra të korruptuar por edhe 19 të tjerë që kanë hyrë brenda në Parlament që pa folur dhe pa hapur gojën kuptohet se çfarë janë. E më pas janë banditët e Ramës, e më pas vijnë dhe qesharakët e Lulzim Bashës të shitur e të blerë nëpër lista.

Ndaj mirë do të ishte të jenë një herë të sinqertë, e të mos i’a vënë fajin këtij sistemi. Ja ku është sistemi i Kosovës, le ta implementojnë. E kanë dhe sistemin e parë, mazhoritarin me proporcional  të përzierë, le ta provojnë, e kanë dhe këtë sistem që është le ta provojnë. Në çdo lloj forme, në çdo lloj mënyre, sërisht aty askush nuk do të pranojë humbjen, të gjithë do grinden me njëri-tjetrin, deputetët do shiten, listat do të vendosen sipas qejfeve të kryetarëve përsa kohë funksionon një forcë politike, apo shumica e forcave politike si sekte të bajraktarëve që i shfrytëzojnë për qëllime personale

Ky është thelbi i problemit dhe asgjë me shumë se sa kaq./CNA.al

LEXO TE PLOTE
Lajme të Rekomanduara: