Politikë
Gjyqi Rama – Paloka / Kryeministri: Ndal përbaltjes
U zhvillua sot seanca e parë e gjyqit mes Kryeministrit Rama dhe Kreut të Grupit Parlamentar të Partisë Demkratike Edi Paloka në Gjykatën e Lartë. Kryemnistri Rama ka paditur Palokën për shpifje ndaj tij dhe qeverisë. Paloka ka deklaruar se qeveria po bën favorizime me bandat e armatosura dhe krerët e tyre. Gjatë seancës së sotme ishte i pranishëm vetë Kryeministri Rama i cili ka dhënë një deklaratë për mediat. Ai ka theksuar se këto akuza të ngritura kanë si qëllim cënimin integritetin e institucionit të Kryeministrit, dhe duhet t’u japim fund shpifjeve.
“Kjo ishte një seancë pajtimi mes dy personave, por unë kam kam asnjë për t’u pajtuar, kjo nuk është përsonale”-deklaroi Rama.
Ai e mbylli deklaratën e tij dukë konfirmuar prezencën e tij në çdo seancë të këtij proçesi gjyqësor.
Politikë
A ka bërë Najada Çomo ndërhyrje në fytyrë? Flet kirurgu estetik
Panajot Papa është një kirurg estetik, i cili i ftuar mbrëmjen e sotme në “Zonë e lirë” ka dhënë mendimin e tij për disa politikanë të njohur shqiptarë nëse kanë bërë ndërhyrje estetike në fytyrë apo jo.
Në ekran është shfaqur edhe fotoja e kandidates për deputete nga PS dhe mjekes Najada Çomo.
“Në këtë lloj rasti, fotografia e dytë ka më shumë ndriçim. Fotografia në këtë lloj rasti duket sikur ka bërë një trajtim, por duhet parë pacienti. Ekzistojnë disa filtra në Instagram që mund të arrihet një foto e tillë. Mund të ketë bërë botoks tek balli”, tha doktori./CNA.al
Politikë
Sot biznesmen dhe politikan/ Agron Shehaj zbulon si e fitoi milionin e parë
Kandidati për deputet i PD, Agron Shehaj është pyetur se si e fitoi milionin e parë
I ftuar në emisionin “Zonë e Lirë” ka treguar fillimet e tij në biznes dhe ndihmën që i kanë dhënë prindërit.
“Në 2005 mora 40 mijë euro borxh tek prindërit, prindërit e mi ishin punëtor në Itali. Me shumë punë, janë edhe mjeshtra të kursimit, i mblodhën këto para. Si e kam bërë milionin e parë? Kjo është pyetja ime e preferuar. Është suksesi i parë ai që më jep më shumë kënaqësi. Me shumë punë, mund dhe duke rrezikuar. Është falë prindërve të mi që kam arritur sukseset që kam arritur. Me 40 mijë euro fillova biznesin, përballova shpenzimet e para, pastaj me shumë punë, bëra nja ca borxhe kuptohet. Biznesin e kam krijuar këtë për tregun italian. Babait ia ktheva paratë pas 3 vitesh”, tha Shehaj./CNA.al
Politikë
Deklaratat e Yuri Kim/ Rama: Ambasadorja është keqpërdorur në mënyrën më brutale
Kryeministri Edi Rama ka reaguar lidhur me deklaratat e ambasadores së SHBA në Tiranë, Yuri Kim, për shit-blerjen e votës.
Rama tha se Kim është përdorur në mënyrën më brutale nga opozita e Lulzim Bashës.
Kreu i qeverisë deklaroi në Vizion Plus se është shumë dakord me thirrjen e ambasadores për fenomenin e shit-blerjes së votës.
“Ambasadorja amerikane është keqpërdorur në mënyrën më brutale, duke e kthyer krejt jashtë kontekstit, në ikonë propagande, të atyre që duan të kthehen në qeveri. Ambasadorja amerikane ka thënë një gjë që e dimë të gjithë, që jam 100% dakord, që ka bazë, lidhur me shit-blerjen e votës. Nuk ka fare diskutim! Nuk di çfarë të dhënash ka ajo, por nuk duhet të kesh të dhëna për të shprehur këtë shqetësim”, theksoi Rama./ CNA.al
