Connect with Us

Merkel vizitë solidariteti në Kiev

Bota

Merkel vizitë solidariteti në Kiev

Publikuar

-

Sot kancelarja Merkel do të demonstrojë në Kiev mbështetjen e saj për qeverinë ukrainase. Qeveria gjermane nuk lë asgjë pa provuar për të ndërmjetësuar në konfliktin mes Rusisë dhe Ukrainës.

Përgatitjet për ditën e festës kombëtare në Ukrainë do të jenë në kulmin e tyre kur kancelarja gjermane Angela Merkel të flasë të shtunën në Kiev me Presidentin Petro Poroshenko. Vetëm një ditë më vonë ukrainasit do të kujtojnë ditën kur fituan pavarësinë e tyre shtetërore. “Territori i Ukrainës është i pandashëm dhe i paprekshëm”, thuhet në deklaratën e pavarësisë të 24 gushtit 1991. Asokohe 90 për qind e banorëve të “Republikës sovjetike socialiste ukrainase” votuan pro shtetit të ri në një referendum.

23 vjet më parë ukrainasit do të përjetojnë ditën deri tani më të trishtuar të pavarësisë: në Krime që prej marsit valëvitet flamuri rus, përreth Donjeeckut dhe Luhanskut ushtria ukrainase lufton me të gjitha forcat kundër separatistëve rusë. Më shumë se 2000 vetë kanë humbur jetën në këtë konflikt sipas vlerësimeve të Kombeve të Bashkuara. Dhurata e kancelares Merkel në ditën e turbulluar të pavarësisë: mbështetje demonstrative për qeverinë ukrainase dhe premtimi që do të angazhohet edhe më tej për një zgjidhje politike të konfliktit me Rusinë.

Roli kyc i Gjermanisë

Në Kiev vlerësohen shumë përpjekjet e palodhura të qeverisë gjermane për të arritur një zgjidhje politike të konfliktit megjithë luftimet e pandërprera. Pasi BE nuk mund të luante më rolin si ndërmjetësues – për disa qendrimi me Rusinë ishte shumë i dobët dhe për të tjerë shumë i ashpër – Merkel dhe ministri i Jashtëm Frank-Walter Steinmeier (SPD) janë forca kryesore e këtij procesi. Ata përdorin një përzierje negociatash dhe trysnie për të arritur një armëpushim të vazhdueshëm dhe një zgjidhje politike. Një ndërhyrje ushtarake apo livrime armësh Ukrainës nuk është megjithatë opsion për qeverinë gjermane.

Trysni ndaj Putinit

Merkel përpiqet veç kësaj të ndikojë tek presidenti rus Vladimit Putin të cilin e njeh prej kohësh dhe me të cilin mund të merret vesh pa përkthyes. Kancelarja përdor fjalë të qarta, Rusia përdor të drejtën e më të fortit kundër forcës së të drejtës – kështu e kritikoi Merkel aneksimin e Krimesë që bie ndesh me të drejtën ndërkombëtare dhe theksoi: “Historia e përbashkët nuk është argument për pretendime territoriale ndaj një shteti sovran.”

Në dhjetëra telefonata dhe takime personale, si p.sh. në kuadër të Kampionatit Botëror të Futbollit, Merkel i bëri thirrje Putinit të përdorë influencën e tij mbi separatistët në Lindje të Ukrainës. Vazhdimisht ajo i ka tërhequr vëmendjen se integriteti i Ukrainës duhet respektuar dhe të mos dërgojë furnizime ushtarake për separatistët në kufi.

Bisedime dhe sanksione

Suksesi ka qenë deri tani modest, Putin vazhdon të jetë kokëfortë dhe i pallogaritshëm. “Asgjë e re në këtë numër”, i përshkroi një e përditshme e madhe gjermane telefonatat e pasuksesshme të kancelares me Putinin. Por sidoqoftë ajo fliste ende me të deri në goditjen tragjike të avionit civil të shoqërisë ajrore malajziane MH17 dhe sjelljen e padenjë të separatistëve me kufomat. Pas kësaj bisedat u ndërprenë përkohësisht. BE vendosi sanksione më të ashpra kundër Rusisë, të cilat qeveria gjermane i mbështeti megjithë disavantazhet për ekonominë gjermane. Mbështetja e Ukrainës, ndërmjetësimi i bisedimeve dhe mjeti i trysninë, sanksionet, janë elementët e strategjisë së Merkelit. Vetëm se rezultatet deri tani kanë qenë shumë prapa shpresave.

Vendnumëro diplomatik

Se sa e bllokuar është situata e dëshmoi edhe një herë takimi i fundit i ministrave të jashtëm të Rusisë dhe Ukrainës, i cili u ndërmjetësua nga ministri i Jashtëm gjerman Steinmeier. Në bisedimet në Berlin në 17 gusht u diskutua sërish për një armëpushim dhe kontrollin e kufirit, për luftëtarët rusë, avionët ushtarake dhe armët që hyjnë në Ukrainë. Deri tani qeveria ukrainase nuk ka arritur t’i pengojë këto në zonat e separatistëve. Në dy kalime kufitare janë ditë e natë të pranishëm vëzhguesit e OSBE-së. Qeveria gjermane e konsideroi të arsyeshëm zgjerimin e vëzhgimit ndërkombëtar në kufi. Negociimi i kësaj me separatistët po rezulton shumë i vështirë, për më tepër që besimi mes palëve është më shumë se i dëmtuar.

Këtë herë pas takimit nuk pati marrëveshje me shkrim që mund të ishin kthyer shpejt në letër pa vlerë. Suksesi ishte vetë biseda pesëpalëshe, ishte konkluzioni i qeverisë gjermane. “Unë besoj dhe shpresoj që në pika të veçanta kemi arritur me siguri përparime”, komentoi ministri i Jashtëm gjerman Steinmeier.

Pak më vonë u ra dakord për një bisedë të re shumë të rëndësishme: presidentët rusë dhe ukrainas do të takohen në 26 gusht në kryeqytetin bjellorus Minsk. Atje Petro Poroshenko do të udhëtojë me bindjen se tek Gjermania ka një mbështetëse të fortë në negociimin e një plani të mundshëm paqeje. Ministri i tij i Jashtëm Pavlo Klimkin ka folur edhe për një “Plan Merkel” në analogji me planin Marshall, pra ndihma financiare të Gjermanisë për Ukrainën. Kështu ai bëri të qartë se pritjet nga vizita e Merkelit në Kiev nuk kanë qenë ndonjëherë më të larta. DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Shënohet viktima e parë nga koronavirusi në SHBA

Publikuar

-

Nga

Një grua në shtetin e Uashingtonit ka vdekur nga koronavirusi duke shënuar rastin e parë të vdekjes në SHBA. Lajmi u njoftua të shtunën nga zyrtarët e shëndetit publik. Presidenti Trump duke iu referuar të dhënave më të fundit pas vdekjes së parë të raportuar në SHBA tha se ajo ishte një grua mbi 50 vjeç dhe e me të dhëna mjeksore që tregonin rrezik të lartë për shëndetin.

Presidenti tha gjithashtu se nuk ka vend për panik dhe se çdo amerikan i shëndetshëm nesë preket nga COVID-19 do të jenë në gjendje të shërohet.

Nënpresidenti Mike Pence njoftoi gjatë konferencës për shtyp në Shtëpinë e Bardhë se Uashingtoni do të ndalojnë udhëtimet drejt Iranit si përgjigje ndaj situatës së krijuar atje për shkak të koronavirusit të ri. SHBA gjithashtu kanë rritur nivelin e paralajmërimeve mbi udhëtimet drejt Italisë dhe Koresë së Jugut, shkruan Voa.

Të premten Shtetet e Bashkuara raportuan rastin e katërt me koronavirus për të cilat autoritetet thonë se nuk janë ende të qartë mbi mënyrën e infektimit të tyre.

Rasti më i ri u konfirmua në shtetin e Uashingtonit. Autoritetet në Oregon njoftuan gjithashtu të premten për një pacient i cili sipas tyre dyshohet se mund të jetë bartës i virusit, dy rastet e tjera janë identifikuar në Kaliforni./VOA

LEXO TE PLOTE

Kosova & Rajoni

Gruaja bie nga kati i tretë në një qendër tregtare/ Dërgohet me urgjencë në spital

Publikuar

-

Nga

Një grua ka rënë nga kati i tretë i qendre tregtare në Prishtinë, në rrethana ende të paqarta.

Lajmin e ka konfirmuar zëdhënësja e Policisë së Kosovës për Prishtinë, Flora Ahmeti. Ajo ka thënë se viktima është dërguar për trajtim mjekësor, teksa motivet ende nuk dihen.

“Rreth orës 17:30 kemi pranuar informatën se në lagjen Veterrnik në Prishtinë, saktësisht në një qendër tregtare, në rrethana ende të pasqaruara një person (femër) ka renë nga një lartësi brenda hapësirave të objektit. Personi i lënduar është dërguar për tretman mjekësor, me rastin po merren njësitet kompetente”, ka thënë Ahmeti./CNA.al

 

LEXO TE PLOTE

Bota

Aksident tragjik/ Autobuzi përplaset me trenin, 19 të vdekur, mbi 50 të plagosur

Publikuar

-

Nga

Një aksident tragjik me pasojë 19 viktima dhe mbi 55 të plagosur është regjistruar në  provincën jugore Sindh të Pakistanit, teksa një autobus me pasagjerë është goditur nga një tren.

Zyrtari i hekurudhave, Tariq Kolachi tha se aksidenti ndodhi në afërsi të qarkut Rohri, rreth 470 kilometra në veri të kryeqytetit Karaçi.

“Të gjithë personat që kanë vdekur kanë qenë duke udhëtuar me autobus”, tha ai, shkruan Rel.

Të paktën 55 persona janë lënduar, tha për AFP, Rana Adeel. Ai tha se disa nga të lënduarit janë në gjendje kritike dhe se numri i viktimave mund të rritet.

Kolachi tha se ende nuk është i qartë shkaku i aksidentit, duke shtuar se treni me pasagjerë, i quajtur Pakistan Express, po udhëtonte nga Karaçi për në Lahore./CNA.al

LEXO TE PLOTE