Connect with Us

Merkel vizitë solidariteti në Kiev

Bota

Merkel vizitë solidariteti në Kiev

Publikuar

-

Sot kancelarja Merkel do të demonstrojë në Kiev mbështetjen e saj për qeverinë ukrainase. Qeveria gjermane nuk lë asgjë pa provuar për të ndërmjetësuar në konfliktin mes Rusisë dhe Ukrainës.

Përgatitjet për ditën e festës kombëtare në Ukrainë do të jenë në kulmin e tyre kur kancelarja gjermane Angela Merkel të flasë të shtunën në Kiev me Presidentin Petro Poroshenko. Vetëm një ditë më vonë ukrainasit do të kujtojnë ditën kur fituan pavarësinë e tyre shtetërore. “Territori i Ukrainës është i pandashëm dhe i paprekshëm”, thuhet në deklaratën e pavarësisë të 24 gushtit 1991. Asokohe 90 për qind e banorëve të “Republikës sovjetike socialiste ukrainase” votuan pro shtetit të ri në një referendum.

23 vjet më parë ukrainasit do të përjetojnë ditën deri tani më të trishtuar të pavarësisë: në Krime që prej marsit valëvitet flamuri rus, përreth Donjeeckut dhe Luhanskut ushtria ukrainase lufton me të gjitha forcat kundër separatistëve rusë. Më shumë se 2000 vetë kanë humbur jetën në këtë konflikt sipas vlerësimeve të Kombeve të Bashkuara. Dhurata e kancelares Merkel në ditën e turbulluar të pavarësisë: mbështetje demonstrative për qeverinë ukrainase dhe premtimi që do të angazhohet edhe më tej për një zgjidhje politike të konfliktit me Rusinë.

Roli kyc i Gjermanisë

Në Kiev vlerësohen shumë përpjekjet e palodhura të qeverisë gjermane për të arritur një zgjidhje politike të konfliktit megjithë luftimet e pandërprera. Pasi BE nuk mund të luante më rolin si ndërmjetësues – për disa qendrimi me Rusinë ishte shumë i dobët dhe për të tjerë shumë i ashpër – Merkel dhe ministri i Jashtëm Frank-Walter Steinmeier (SPD) janë forca kryesore e këtij procesi. Ata përdorin një përzierje negociatash dhe trysnie për të arritur një armëpushim të vazhdueshëm dhe një zgjidhje politike. Një ndërhyrje ushtarake apo livrime armësh Ukrainës nuk është megjithatë opsion për qeverinë gjermane.

Trysni ndaj Putinit

Merkel përpiqet veç kësaj të ndikojë tek presidenti rus Vladimit Putin të cilin e njeh prej kohësh dhe me të cilin mund të merret vesh pa përkthyes. Kancelarja përdor fjalë të qarta, Rusia përdor të drejtën e më të fortit kundër forcës së të drejtës – kështu e kritikoi Merkel aneksimin e Krimesë që bie ndesh me të drejtën ndërkombëtare dhe theksoi: “Historia e përbashkët nuk është argument për pretendime territoriale ndaj një shteti sovran.”

Në dhjetëra telefonata dhe takime personale, si p.sh. në kuadër të Kampionatit Botëror të Futbollit, Merkel i bëri thirrje Putinit të përdorë influencën e tij mbi separatistët në Lindje të Ukrainës. Vazhdimisht ajo i ka tërhequr vëmendjen se integriteti i Ukrainës duhet respektuar dhe të mos dërgojë furnizime ushtarake për separatistët në kufi.

Bisedime dhe sanksione

Suksesi ka qenë deri tani modest, Putin vazhdon të jetë kokëfortë dhe i pallogaritshëm. “Asgjë e re në këtë numër”, i përshkroi një e përditshme e madhe gjermane telefonatat e pasuksesshme të kancelares me Putinin. Por sidoqoftë ajo fliste ende me të deri në goditjen tragjike të avionit civil të shoqërisë ajrore malajziane MH17 dhe sjelljen e padenjë të separatistëve me kufomat. Pas kësaj bisedat u ndërprenë përkohësisht. BE vendosi sanksione më të ashpra kundër Rusisë, të cilat qeveria gjermane i mbështeti megjithë disavantazhet për ekonominë gjermane. Mbështetja e Ukrainës, ndërmjetësimi i bisedimeve dhe mjeti i trysninë, sanksionet, janë elementët e strategjisë së Merkelit. Vetëm se rezultatet deri tani kanë qenë shumë prapa shpresave.

Vendnumëro diplomatik

Se sa e bllokuar është situata e dëshmoi edhe një herë takimi i fundit i ministrave të jashtëm të Rusisë dhe Ukrainës, i cili u ndërmjetësua nga ministri i Jashtëm gjerman Steinmeier. Në bisedimet në Berlin në 17 gusht u diskutua sërish për një armëpushim dhe kontrollin e kufirit, për luftëtarët rusë, avionët ushtarake dhe armët që hyjnë në Ukrainë. Deri tani qeveria ukrainase nuk ka arritur t’i pengojë këto në zonat e separatistëve. Në dy kalime kufitare janë ditë e natë të pranishëm vëzhguesit e OSBE-së. Qeveria gjermane e konsideroi të arsyeshëm zgjerimin e vëzhgimit ndërkombëtar në kufi. Negociimi i kësaj me separatistët po rezulton shumë i vështirë, për më tepër që besimi mes palëve është më shumë se i dëmtuar.

Këtë herë pas takimit nuk pati marrëveshje me shkrim që mund të ishin kthyer shpejt në letër pa vlerë. Suksesi ishte vetë biseda pesëpalëshe, ishte konkluzioni i qeverisë gjermane. “Unë besoj dhe shpresoj që në pika të veçanta kemi arritur me siguri përparime”, komentoi ministri i Jashtëm gjerman Steinmeier.

Pak më vonë u ra dakord për një bisedë të re shumë të rëndësishme: presidentët rusë dhe ukrainas do të takohen në 26 gusht në kryeqytetin bjellorus Minsk. Atje Petro Poroshenko do të udhëtojë me bindjen se tek Gjermania ka një mbështetëse të fortë në negociimin e një plani të mundshëm paqeje. Ministri i tij i Jashtëm Pavlo Klimkin ka folur edhe për një “Plan Merkel” në analogji me planin Marshall, pra ndihma financiare të Gjermanisë për Ukrainën. Kështu ai bëri të qartë se pritjet nga vizita e Merkelit në Kiev nuk kanë qenë ndonjëherë më të larta. DW

KLIKO PER TE KOMENTUAR

Komentoni

Your email address will not be published. Required fields are marked *

Bota

Demokratët sulmojnë presidentin Trump dhe njëri-tjetrin në debat

Publikuar

-

Nga

12 kandidatët demokratë për president morën pjesë në një debat shpesh të ndezur të martën në Ohajo. Ata shpesh sulmuan presidentin Donald Trump, por nuk hezituan të kritikonin ashpër edhe njëri-tjetrin për çështje si kujdesi shëndetësor, pabarazia ekonomike, dhe tërheqja e forcave amerikane nga Siria. Korrespondenti i Zërit të Amerikës, Jim Malone sjell më shumë hollësi nga Uashingtoni:

Në qendër të debatit të së martës ishte hetimi për procesin e shkarkimit të Presidentit Trump dhe përpjekjet e tij për të bindur Ukrainën të hetonte demokratin, Joe Biden.

Zoti Biden e kishte përgjigjen gati.

“Rudy Giuliani, presidenti dhe banditët e tij e kanë provuar tashmë se po gënjejnë hapur. Tani duhet të përqendrohemi tek Donald Trumpi. Ai nuk do që të jem unë kandidati. Ai po më sulmon sepse e di që nëse marr emërimin, do ta mund pa diskutim”.

Të 12 kandidatët në debat e mbështesin procesin e shkarkimit, përfshirë senatoren nga Massachusetts, Elizabeth Warren që tani ka pothuajse të njëjtën mbështetje si zoti Biden në anketa.

“Përmes procesit të shkarkimit, ne do të garantonim që ky njeri të mos shkelte ligjin vazhdimisht dhe pa pasoja”, tha ajo.

Debati shënoi edhe kthimin e senatorit, Bernie Sanders në fushatë pas goditjes në zemër. Ai paralajmëroi për çështjen e procesit të shkarkimit.

“Po mendoj se do të ishte një katastrofë nëse populli amerikan beson se ne vetëm po merremi me Trumpin dhe po lëmë në harresë 87 milionë amerikanët pa sigurime ose me sigurime të pamjaftueshme”, tha ai.

Senatori nga New Jersey, Cory Booker shprehu shqetësimin se votuesit mund ta shohin si shumë partiak, përpjekjen e procesit të shkarkimit.

“E kuptoj indinjatën që e ndjejmë të gjithë, por duhet ta kryejmë këtë proces në mënyrë të tillë që e bashkon vendin dhe jo që ta përçajë”, tha ai.

Në debat pati këmbime të forta për kujdesin shëndetësor, kontrollin e armëve dhe tërheqjen e befasishme të trupave amerikane nga Siria nga ana e Presidentit Trump.

Vendimi u kritikua ashpër nga kandidati, Pete Buttigieg.

“Masakra në Siri, nuk është pasojë e pranisë amerikane. Është pasojë e tërheqjes dhe tradhtia e këtij presidenti ndaj aleatëve amerikanë dhe vlerave amerikane”.

Edhe senatorja nga Minnesota, Amy Klobuchar e kritikoi vendimin e presidentit.

“Do doja të më shpjegonte se si bëhet Amerika më madhështore duke lejuar masakrimin e kurdëve, të aleatëve tanë, dhe kur Rusia hyn për t’i mbrojtur ata. Dhe do doja të më sqaronte sesi afrimi me Vladimir Putinin e bën Amerikën më madhështore. E bën Rusinë madhështore”.

Debati i ardhshëm i demokratëve mbahet më 20 nëntor në Xhorxha./VOA

LEXO TE PLOTE

Bota

Nënpresidenti amerikan Mike Pence drejt Turqisë për të bërë thirrje për armëpushim

Publikuar

-

Nga

Zyrtarët turq thonë se Presidenti Recep Tayyip Erdogan do të takohet me Nënpresidentin, Mike Pence dhe Sekretari amerikan i Shtetit, Mike Pompeo gjatë vizitës së tyre në Turqi, ku po shkojnë për të kërkuar ndaljen e inkursionit të Ankarasë në Sirinë verilindore. Zoti Erdogan i kishte thënë më herët një televizioni se zoti Pence dhe zoti Pompeo do të takoheshin me homologët e tyre këtë javë. Turqia filloi ndërhyrjen ushtarake në Siri, pas vendimit të ShBA-së për tërheqjen e trupave amerikane nga veriu i Sirisë. Presidenti Erdogan zotohet se nuk do të ndalë ofensivën derisa të pastrojë kufirin nga kurdët, të cilët ai i sheh si terroristë.

Turqia vazhdon të godas pozicionet e luftëtarëve kurdë në pjesën siriane të kufirit Turqi-Siri.

Presidenti turk Recep Tayyip Erdogan, nuk po jep shenja zmbrapsjeje, përkundër presion të madh ndërkombëtar.

Nënpresidenti amerikan, Mike Pence, po udhëton për në Turqi bashkë me sekretarin e shtetit Mike Pompeo dhe këshilltarin e presidentit për siguri kombëtare, Robert O’Brien.

Fillimisht, zoti Erdogan tha se të dërguarit amerikanë mund të takohen me homologët e tyre në Turqi dhe se ai flet për situatën në Siri vetëm me Presidentin Trump.

Por zyrtarë të lartë në Turqi thanë se ai do të takohet me të dërguarit amerikanë, të cilët do të provojnë ta bindin atë për armëpushim.

Ndërkohë, Presidenti amerikan Donald Trump kërcënoi Turqinë me sanksione të ashpra nëse sulmet kundër luftëtarëve dhe civilëve kurdë luftimet nuk ndërpriten.

“Vendosëm sanksionet më të ashpra që mund të imagjinohen. Nëse Turqia nuk ndryshon pozicion, ashpërsojmë sanksionet duke përfshirë edhe tarifën në çelik. Ata eksportojnë shumë çelik në Shtetet e Bashkuara. Përfitojnë shumë para me këtë, por më nuk do të përfitojnë”, tha Presidenti Trump.

Kritikët mendojnë se sanksionet nuk kanë ndikim dhe se janë të pakuptimta. Madje ata shtojnë se ato mund të jenë vënë sa për të qetësuar ligjvënësit amerikanë që kanë kritikuar zotin Trump për braktisje të kurdëve, që ishin aleatë amerikanë në luftën e terrorizmit.

Analistët mendojnë se është e qartë se Presidenti Trump po mundohet të shmangë armiqësimin me homologun e tij Erdogan.

“Shtëpia e Bardhë po kërkon armëpushim. Që nënkupton se Presidentit Erdogan do t’i mundësohet largimi me fitoret ushtarake që arriti në ditët e fundit në terren. Kjo tregon se Shtëpia e Bardhë nuk dëshiron të rrisë tensionet, por në varësi nga reagimi i Kongresit, kjo mund të ndryshojë”, thotë analisti nga Instituti i Lindjes së Mesme, Gonul Tol.

Një analist tjetër thotë se Presidenti Trump mund të jetë duke pritur që përparimin e ushtrisë turke ta pengojnë luftëtarët qeveritarë sirian, të mbështetur nga Rusia.

“Mendoj se në këtë pikë, administrata Trump po luan për kohë, ndërsa isa shohim regjimin e Asadit dhe aleatët rus duke përparuar në zonë, duke fituar terren në disa territore që ishin nën kontrollin e forcave demokratike siriane. Prandaj në më pak se një javë, mund të vijmë në situatë që ofensiva turke të jetë e parealizueshme”, thotë analisti nga Fondacioni për Mbrojtje të Demokracive, Aykan Edemir.

Media shtetërore ruse, sot transmetoi pamje të ushtarëve rusë teksa patrullojnë në zonën që ndanë ushtrinë siriane dhe atë turke,

Ministri i Jashtëm rus, Sergej Lavror, deklaroi se Rusia është e përkushtuar të ofrojë siguri për rajon dhe se pop unojnë në ndërmjetësimin e një zgjidhjeje midis qeverisë siriane dhe Turqisë./VOA

LEXO TE PLOTE

Kosova & Rajoni

Hahn nuk dorëzohet: Skeptikët të hapin negociatat

Publikuar

-

Nga

Diskutimi për hapjen e negociatave ka bërë që Komisioneri për Zgjerimin në BE, Johannes Hahn dhe Kryeministri i Maqedonisë së Veriut, Zoran Zaev të dalin në një konferencë urgjente për mediat.

Në fjalën e tij, Hahn theksoi se duhet një dritë jeshile për hapjen e negociatave.

“Do doja që ky takim të kishte diçka për të festuar. Maqedonia e Veriut ka bërë hapa të mëdhenj që duhen vlerësuar. Shpresoj që të premten të festojmë. Ju nuk kërkoni asgjë më shumë sesa një dritë jeshile për të nisur negociatat”,tha ai.

Më tej, Hahn tha se besueshmëria e BE-së varet nga vendimi për Shqipërinë dhe Maqedoninë e Veriut.
Por a nënkupton dalja në konferencë vetëm me kryeministrin e Maqedonisë së Veriut, ndarjen e dy vendeve në procesin e negociatave? I pyetur nga mediat për këtë çështje, Hahn tha se do të takohet nesër në mëngjes me Edi Ramën.

“Nuk mund të komentojë qëndrimet e vendeve anëtare, por institucionet e BE kanë bërë rekomandim për të dy vendet”, shtoi Hahn.

Nga ana tjetër, Kryeministri i Maqedonisë së Veriut, Zoran Zaev kërkoi nga vendet e BE-së që t’i japin vendit të tij mundësinë për të çelur negociatat.
“Ne kemi bërë reforma të rëndësishme për gjithë Ballkanin jo vetëm për Maqedoninë e Veriut, ju lutem mendoni për popullin e Maqedonisë”, tha ndër të tjera Zoran Zaev./CNA.AL

LEXO TE PLOTE