LEXO PA REKLAMA!

SHKARKO APP

Ligji i ri: Rruget me pagese

15 Korrik 2014, 23:37, Ekonomi CNA

Qeveria ka vendosur që ndërtimin e rrugëve të reja dhe mirëmbajtjen e disa akseve ekzistuese ta kalojë me konçesion tek privatët. 

?Ne kemi pamundësi për shkak të situatës financiare të trashëguar, kemi pamundësi të ofrojmë shërbimet. Do të duhen një mënyrë tjetër, ajo është ofrimi i operatorëve privatë për të ofruar shërbime publikut me kosto racionale dhe me shërbime të përmirësuara?, tha Ahmetaj. 

Në Komisionin Parlamentar të Ekonomisë, Ahmetaj sqaroi deputetët se vendimi është marrë pas një studimi të hollësishëm mbi gjendjen e infrastrukturës kombëtare. 

?Nuk ka kufizim. Jemi duke parë disa akse në veri dhe në jug që janë sot pengesë për zhvillimin ekonomik dhe që buxheti i shtetit nuk ka mundësi t?i financojë. Jemi duke parë me vëmendje në mënyrë që t?ia ofrojmë për partneritet privatëve?, deklaroi Ministri Ahmetaj. 

Rruga e parë që pritet të bëhet me pagesë për qytetarët është ajo Durrës-Kukës, kostoja e së cilës vazhdon të rritet pafund. Qeveria shpreson që veç mirëmbajtjes, të financojë përmes privatëve edhe përfundimin e saj. 

Vitet e fundit ndërtimi i rrugëve ka marrë mesatarisht 500 milionë dollarë në vit, nga buxheti, të financuara përmes taksave të qytetarëve apo borxhit publik. 

Ministri i Zhvillimit Ekonomik tha se kostoja e anulimit të koncesioneve, që sipas tij qeveria e kaluar ka dhënë në kundërshtim me interesin publik, mund të shkojë deri në 2.5 për qind e Prodhimit Kombëtar. 

?Nëse të gjitha koncesionet që ne kemi gjykuar që janë ndërtuar përtej transparencës do të rrëzoheshin, dhe është një alternativë, kostoja për buxhetin e shtetit kalon mbi 250 mln euro. Imagjinoni se cfarë ngarkesë i kanë lënë buxhetit të shtetit dhe qytetarëve qeveria që shkoi?, shtoi Ahmetaj. 

Lajmet e fundit nga